JOHANNES 11:55 - BIBEL JAMITA NA DENGGAN

⁵⁵ Jadi hatiha i giot dapot ne ma Pesta Paskah ni halak Jahudi. Ma bahat halak sian angka kota i markehean tu Jerusalem laho paiaskon diri dompak so dapot Pesta Paskah i.

JOHANNES 11:55 ပူးပေါင်းရင်းမြစ်များ

PAMUNGKAAN 35:2

Jadi didok si Jakob ma tu halahi na sabagas dohot tu sude halaknia, “Ambungkon hamu ma sandok dewa na asing na adong ditiop hamu; paias hamu ma dirimunu jana pake hamu ma pakean na ias.

JOB 1:5

Ganop abis pesta, sai sigop do ngot si Job jana dihaulkon ia ma haul salaho tu angka anaknia i anso disesa Tuhan dosa ni halahi. Harana didok rohania betak na dung mardosa do angka dakdanaknia i jana pabilehon Debata sian na so pamotoanna.

MASMUR 26:6

O Tuhan, hubasu tanganku tanda na so marsala au, jana dohot au mardalan manghaliangi langgatanMu,

HARURUAR 19:10

jana didok Tuhan ma tusia, “Kehe ma ho manopotkon halahi jana suru ma halahi marhobas sadari on dohot ancogot laho maribadat. Angkon basuon ni halahi do pakeanna be.

BILANGAN 9:10

mandok tu halak Israel, “Muda adong ditonga-tongamunu sanga sian pomparanmunu na gabe ramun hara ni na dais tu bangke sanga betak adong hatiha di pardalanan na dao, tapi giot dohot ia mamestahon Pesta Paskah,

BILANGAN 9:6

Tapi mangihutkon aturan ni ugamo, adong do sanga piga-piga halak na ramun, hara ni na dais halahi tu bangke, gabe nada tola halahi marpesta Paskah di ari i. Dung i gabe kehe ma halahi tu adopan ni si Musa dohot si Harun,

MATEUS 26:1

Dung sidung diajarkon Jesus sude taringot tusi, didok Ia ma tu angka anak siseanNia i,

MATEUS 26:2

“Diboto hamu do, dua ari nari dapot ma Pesta Paskah. Pasahaton ma Anak Ni Jolma i anso diparsilangkon!”

MARKUS 14:1

Dua ari nari noma anso Ari Pesta Paskah – dohot Roti Na So Marragi. Manjalak-jalahi dalan ma angka sintua ni malim dohot angka Siboto Surat laho manangkup Jesus sip-sip anso dibunu halahi Ia.

LUKAS 22:1

Dapot ne ma Pesta Paskah, i ma na manghagodangkon Roti Na So Marragi.

JOHANNES 12:1

Onom ari nari dompak so Pesta Paskah i, kehe ma Jesus tu Betania. Disi do tinggal ni si Lasarus na dung jungada mate jana na nipangolu ni Jesus mangulahi.

JOHANNES 13:1

Sadari noma anso Ari Pesta Paskah. Madung diboto Jesus na giot tadingkononNia ma portibi on jana mulak ma Ia tu AmangNia. Dihaholongi Ia do sudena halak na diSia, na adong di tano on jana lopus tu ujungna pe laing holong do rohaNia di halahi.

JOHANNES 18:28

Dung i dioban halahi ma Jesus sian bagas ni si Kayafas tu inganan ni gubernur. Manyogot dope hatiha i. Anggo halak Jahudi i sandiri nada pola masuk tu bagasan inganan i, anso ulang gabe ramun halahi mangihutkon ugamo, hara ni na giot dohot halahi mangankon sipanganon Paskah.

JOHANNES 2:13

Donok noma hatihana anso dapot Pesta Paskah, jadi kehe ma Jesus tu Jerusalem.

JOHANNES 2:6

Adong do disi onom gunci ni aek na niparade, i ma sipakeon di na paias dirina halak dohot tu haporluan na asing-asing mangihutkon aturan ni ugamo Jahudi. Muat-muat saratus liter aek ma ganop gunci i.

JOHANNES 5:1

Dung i adong ma pesta ni halak Jahudi, gabe dohot ma Jesus tu Jerusalem.

JOHANNES 6:4

Hatiha i laho dapot ma Pesta Paskah ni halak Jahudi.

BAENON NI ANGKA RASUL 21:24

Sugari rap kehe ma hamu mambaen upacara paias diri jana ho ma manggarar na porlu tu halahi, anso tola halahi marpangkas. Jadi muda songon i dibaen hamu, tangkas ma botoon ni halak sudena paboa na so tutu do na nibege ni halahi taringot tu ho, angke ho sandiri pe antong dipatulus ho do sanga aha na niparentahon ni Debata markite-hite si Musa.

BAENON NI ANGKA RASUL 21:26

Jadi kehe ma si Paulus dohot si opat halak i mambaen upacara paias diri ancogotna i. Dung i kehe ma halahi masuk tu Bagas Ni Debata laho paboahon sanga na piga ari nari anso salose upacara na paias diri i dohot haul sipasahaton hara ni halahi be.

BAENON NI ANGKA RASUL 24:18

Di na hubaen songon i, tarpaida halahi ma au di Bagas Ni Debata, dung sidung hudalankon upacara paias diri. Nada adong halak na bahat mandongani au, jana nada adong muse na gaor di hatiha i.

1 KORINTUS 11:28

Jadi angkon marsipareso dirina ma jolo, dung i pe anso tola ia mangan roti dohot minum anggur i.

JAKOBUS 4:8

Pasolkot hamu ma tu Debata, jana Debata pe padonohonNa ma tu hamu. Hamu dongan na mardosa, paias hamu ma tanganmunu! Hamu na mardua roha, paias hamu ma rohamunu.

1 SAMUEL 16:5

Dialusi si Samuel ma, “Olo, tutu do i. Na giot manghaulkon haul tu Tuhan do na huharohon. Jadi paias hamu ma dirimunu anso tarbaen hamu dohot di na marhaul i.” Si Isai pe dohot angka dakdanakna i laing dohot ma disuru ia paias dirina be, jana diontang ia tu parhaulan i.