JOHANNES 11:5 - BIBEL JAMITA NA DENGGAN

⁵ Tutu do, holong do roha ni Jesus mida si Marta dohot anggina i songon i tu si Lasarus.

JOHANNES 11:5 ပူးပေါင်းရင်းမြစ်များ

LUKAS 10:38

Sanoli, hatiha mardalan Jesus rap dohot angka siseanNia i, masuk ma Jesus tu sada huta. Adong ma disi sada anak boru na margoar si Marta mangontang Jesus tu bagasna.

LUKAS 10:40

Tapi si Marta bahat sajo karejonia laho mangkobasi angka tamu i. Kehe ma si Marta tu Tuhan Jesus mandok, “O Tuhan, ligi ma jolo anggingkon! Dipadiar ia do sada au sajo karejo. Suru ma anso ditolong ia au!”

LUKAS 10:41

Dialusi Tuhan i ma, “O Marta, Marta! Mabahattu do dipasari-sari rohamu jana sude dihasusahon ho.

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

JOHANNES 11:36

Gabe didok halak Jahudi i ma, “Ligi ma, holong ni rohaNia i tu si Lasarus!”

JOHANNES 11:6

Tapi haru pe na dung lalu tu Jesus barita na paboahon marnyae si Lasarus, disangajo Ia dope dua ari nari laing di inganan i.

JOHANNES 11:8

Dialusi angka siseanNia i ma, “Baru dope, na giot didangguri ni halak Jahudi i Guru i dohot batu, hape saonnari giot mangulahi ma Guru i tusi?”

JOHANNES 16:27

harana Ama i sandiri pe holong do rohaNia tu hamu. Holong do rohaNia mida hamu, dibaen holong rohamunu tu Au, jana dihaporsayai hamu na sian Debata do Au ro.

JOHANNES 17:26

Madung Hupabotohon Damang tu halahi; jana sai pupuonKu do mambaen songon i, anso laing dihilala halahi muse holong ni roha ni Damang tu Au jana Au pe sada ma dohot halahi.”