JOHANNES 11:43 - BIBEL JAMITA NA DENGGAN

⁴³ Dung didok Jesus songon i, dipagogo Ia ma soraNia pio-pio, “Haruar ma ho Lasarus!” ning Ia.

JOHANNES 11:43 ပူးပေါင်းရင်းမြစ်များ

MARKUS 4:41

Gabe mabiar be ma angka anak siseanNia i. Marsipandohonan ma halahi sama halahi, “Ise do satutuna bayo on? Alogo dohot ombak pe mangoloi do tu parentaNia!”

JOHANNES 11:42

Huboto do na sai tongtong ditangihon Ho pangidoanKu, tapi Hudok pe songon i hara ni angka jolma na dison on do; anso porsaya halahi, na Ho do marsuru Au.”

JOHANNES 11:44

Dung i haruar ma bayo na dung mate i. Laing bungkus dope tanganna i dohot patna i dibaen kopenna i, jana bohina i pe laing ditutupi kopen panutup ni bohi i dope. “Buka hamu kopenna i,” ninna Jesus tu halak na disi i, “jana padalan hamu ma ia.”

JOHANNES 12:1

Onom ari nari dompak so Pesta Paskah i, kehe ma Jesus tu Betania. Disi do tinggal ni si Lasarus na dung jungada mate jana na nipangolu ni Jesus mangulahi.

JOHANNES 12:9

Bahat ma halak Jahudi na umbege, na dung di Betania Jesus. Jadi kehe ma halahi tusi. Umbaen na kehe pe halahi tusi nada hum hara ni Jesus, tapi dohot do muse hara ni na giot mangaligi si Lasarus na dung dipangolu ni Jesus mangulahi.

BAENON NI ANGKA RASUL 3:12

Di na niida ni si Petrus halak na bahat i, didok ia ma tu halahi, “Hamu ale halak Israel, biasi pola homang rohamunu? Adong he ninna rohamunu hara ni na adong kuaso di hami sanga hara ni haburjuonnami gabe tarbaen bayo on mardalan?

BAENON NI ANGKA RASUL 3:6

Tapi didok si Petrus ma tusia, “Anggo perak dohot sere nada adong di au. Tapi sanga aha na adong di au, hulehen pe di ho. Mangasahon goar ni Jesus Kristus na sian Nasaret i, mardalan ma ho!” ning ia.

BAENON NI ANGKA RASUL 9:34

Didok si Petrus ma tu bayo i, “Jesus Kristus do pamalumkon ho, Eneas! Jongjong ma ho, hobasi ma podomanmi,” ning ia. Di na santongkin i manigor jongjong ma si Eneas.

BAENON NI ANGKA RASUL 9:40

Disuru si Petrus ma halahi sude anso haruar, jana singgang ma ia martangiang. Dung i dipaadop ia ma tu bangke ni si Dorkas jana didok ia ma, “Tabita, ngot ma ho!” Jadi dipabolnang ia ma matania jana dung diida ia si Petrus, juguk ma ia.