JOHANNES 11:28 - BIBEL JAMITA NA DENGGAN

²⁸ Dung didok si Marta songon i, kehe ma ia marpio si Maria angginia i jana dihusipkon ia ma, “Madung dison Guru i, dipiohon Ia do ho.”

JOHANNES 11:28 ပူးပေါင်းရင်းမြစ်များ

ZAKARIA 3:10

Jadi muda dung dapot ari i, marsipio hombar bagasna be ma halak anso ro mangarasoi dame dohot hasonangan di tonga-tonga ni angka kobun anggur dohot angka bona ni aramu.”

MATEUS 26:18

Dialusi Jesus ma, “Kehe ma hamu tu kota manopot sada halak disi. Dokkon hamu ma tusia, ‘Ninna Guru i, ma dapot hatihana di Au. Giot di bagasmon do Au marpaskah rap dohot angka anak siseanKu.’ ”

MARKUS 10:49

Gabe maradian ma Jesus, didok Ia ma, “Piohon hamu jolo ia.” Jadi dipiohon halak ma bayo na mapitung i. Didok halahi ma tusia, “Patogu ma rohamu! Madung dipio Jesus ho. Jongjong ma ho!”

MARKUS 14:14

sanga tu bagas dia ia masuk. Dok hamu ma tu nampuna bagas i songon on, ‘Disapai Guru i, sanga na di dia do ingananNia rap dohot angka siseanNia mangankon sipanganon Paskah i.’

LUKAS 22:11

dung i dokkon hamu ma tu nampuna bagas i, ‘Didok Guru i: Di dia dehe inganan ni angka siseanKi dohot Au na giot mangan sipanganon Paskah i?’

JOHANNES 1:41

Manigor diompoti si Andreas ma manjalahi si Simon angkangna i jana didok ia ma tu si Simon, “Madung marsuo hami dohot Mesias i!” (Mesias astuanna Kristus.)

JOHANNES 1:45

Dung i marsuo muse ma si Pilipus dohot si Natanael jana didok ia ma, “Madung marsuo hami dohot Ia na nidok ni si Musa di bagasan Buku Tona i, dohot na nidok ni angka panurirang, i ma Jesus anak ni si Josep halak Nasaret i.”

JOHANNES 10:3

Jadi diungkap panjago i ma pintu i tu parmahan i, jana ditangihon angka biri-biri i ma sora ni parmahan i di na nipiohonnia angka biri-birinia i hombar tu goar-goarna be; dung i dioban ia ma halahi tu ruar.

JOHANNES 11:20

Dung dibege si Marta na ro Jesus, haruar ma ia mangalo-alo Jesus, tapi anggo si Maria di bagas do ia.

JOHANNES 11:29

Umbege i manigor diompoti si Maria ma jongjong, bulus mandapotkon Jesus. (

JOHANNES 11:30

Inda podo masuk Jesus hatiha i tu huta i. Laing di inganan parsuoanNia dohot si Marta nangkin dope Ia.)

JOHANNES 13:13

Digoari hamu do Au Guru dohot Tuhan. Tutu do na nidokmunu i; harana Guru do Au tutu jana Tuhan.

JOHANNES 20:16

Ninna Jesus ma tu si Maria, “Maria!” Dung i manaili ma si Maria tu Jesus jana didok ia ma di hata Ibrani, “Rabbuni!” (astuanna “Guru”).

JOHANNES 21:7

Didok sisean haholongan ni Jesus i ma tu si Petrus, “Tuhan i do i!” ning ia. Jadi dung dibege si Petrus didok bayo i, “Tuhan i do i,” manigor dipake ia ma abitnia mangulahi (harana madung sanga buka baju ia) mangambur ma ia tu aek i.

1 TESSALONIKA 5:11

Hara ni i, marsipaingotan ma hamu jana marsipatoguan di haporsayaan, laing songon na nibaenmunu saonnari.

IBRANI 12:12

Hara ni i, pargogoi hamu ma tanganmunu na gale dohot patmunu na humitir-hitir i mardalan!