JOHANNES 11:25 - BIBEL JAMITA NA DENGGAN

²⁵ Dialusi Jesus ma, “Au do hangongot dohot hangoluan. Laing mangolu do sanga ise na porsaya tu Au haru pe na dung mate ia.

JOHANNES 11:25 ပူးပေါင်းရင်းမြစ်များ

MASMUR 36:9

Ho do mual haroroan ni ngolu di sude na adong, di bagasan sinondangMu hami ida na torang.

JESAYA 26:19

Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”

JESAYA 38:16

Ale Tuhan, hara ni on do maporus rohangku tu Ho, pasonang ma tondingku, baen ma au sehat, jana pamalum ma nyaengku.

LUKAS 23:43

Gabe didokkon Jesus ma tusia, “Tutu do na Hudok on tu ho, sadari on rap ma ho dohot Au di Pirdaus.”

JOHANNES 1:4

Mual ni ngolu do Hata i, jana ngolu i ma na mangalehen sinondang tu jolma.

JOHANNES 14:19

Nada sadia honok nari, nada idaon ni portibi on be Au, tapi anggo hamu laing idaonmunu do Au; jana dibaen na mangolu do Au, hamu pe laing mangolu.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

JOHANNES 3:36

Sanga ise na porsaya tu Anak i, halahi do na maruli ngolu na manongtong. Tapi anggo halak na so ra porsaya tu Anak i indangkon na dapot ni halahi ngolu na manongtong i, jana hamumuruk ni Debata do tongtong adop halahi.

JOHANNES 5:21

Songon Damang na manyungguli halak na mate, jana dilehen Ia hangoluan tu halahi; laing songon i muse ma Anak i mangalehon ngolu tu halak, sanga ise giot ni rohaNia.

JOHANNES 5:26

Dibaen songon Ama i marhangoluan di bagasan diriNia sandiri, laing songon i ma madung dibaen Ama i do Anak i, gabe marhangoluan di bagasan diriNia sandiri.

JOHANNES 6:35

Jadi didok Jesus ma tu halahi, “Au do roti na mangalehen hangoluan; sanga ise na ro tu Au nada malean be ia, jana sanga ise na porsaya tu Au nada manguas be ia.

JOHANNES 6:44

Nada tarbaen sanga ise pe ro tu Au, anggo so disosoi Damang na marsuru Au halakna i tu Au; jana pangoluonKu ma halahi di Ari Parpudi.

BAENON NI ANGKA RASUL 3:15

Dibunu hamu ma Ia, haru pe nian Ia do haroroan ni ngolu ni sude jolma. Jana madung dipangolu Debata Ia mangulahi sian hamatean. Hami sandiri ma manyaksihon i.

SURAT NI SI PAULUS TU PARLAGUTAN ROM 4:17

songon na tarsurat i, “Madung Hupabangkit ho gabe ompu ni bahat bangso.” Songon i ma porsaya si Abraham tu Debata, i ma Debata na pangoluhon halak na mate; jana na mambaen na so adong hian gabe adong hum markite-hite hataNia sajo.

SURAT NI SI PAULUS TU PARLAGUTAN ROM 8:2

Harana madung dipalua bako ni Tondi na pangoluhon i au sian bako ni dosa na mamatehon i. Tona Ni Tondi na mangalehen ngolu madung paluahon hamu di bagasan Kristus Jesus sian tona ni dosa dohot hamatean.

1 KORINTUS 15:18

Dung i mago muse ma angka na mate di bagasan Kristus i.

1 KORINTUS 15:29

Anggo so pangoluon do mangulahi halak na mate i, biasi pola nipandidihon halak tu jolma na mate? Aha pola sipainteon sian angka na mate i? Muda na tutu ma na so pangoluon be jolma na mate i, aha ma he gunana nipandidihon halak salaho tu jolma na mate.

2 KORINTUS 4:14

Pos do rohanami di Debata na pangoluhon Tuhan Jesus mangulahi, laing pangoluonNia muse do hami dohot Jesus, jana obanonNia hamu rap dohot hami tu joloNia.

PILIPPI 1:23

Angke rap mandasdas do pangalaho na dua i tu au. Lungun sajo do nian rohangku manadingkon portibi on anso rap iba dohot Kristus, angke i do na dumenggan;

PILIPPI 3:10

Hum on ma na nipangido ni rohangku; anso hutanda nian Kristus jana hurasoi nian kuaso na pangoluhon Ia sian hamatean i. Por do rohangku markancit dohot Ia jana gabe sarupa dohot Ia di pangalaho ni parmateNia.

1 TESSALONIKA 4:14

Tahaporsayai do, anggo Jesus madung mate jana mulak mangolu. Hara ni i ma umbaen na gabe tahaporsayai, obanon ni Debata muse do sude angka na monding i na porsaya tu Jesus anso rap dohot Ia.

HALUMBAAN 1:18

Au do Na Mangolu i! Madung mate hian Au, tapi ligi ma, na mangolu do Au salolot-lolotna. Guru di Au do hamatean dohot inganan ni angka jolma na dung mate.

HALUMBAAN 20:5

On ma na parjolo dipangolu mangulahi angka halak na mate. (Tapi angka halak na mate na asing i nada dipangolu anggo di na saribu taon i.)

HALUMBAAN 21:4

ApusanNia ma sasude ilu sian mata ni halahi. Nada adong be anggo hamatean; hamarsahan, partangisan sanga parkancitan pe nada adong be. Madung salpu angka pangalaho na honok i.”

HALUMBAAN 22:1

Dipatidahon surusuruan i muse dope tu au batang aek na lan sajo songon kristal jana mangalehen ngolu do aekna i. Sian habangsa ni Debata do mardalan batang aek i dohot sian Anak Ni Biri-biri i,

HALUMBAAN 22:17

Didok Tondi i dohot Boru Oroan i ma, “Beta ma!” Jana ganop halak na umbege on angkon laing dohot ma mandok, “Beta ma!” Sanga ise na manguas, ro ma ia! Jana sanga ise na marpor ni roha, dibuat ma aek na mangalehen hangoluan i so pola mangalehen bagi aha panggararna!