AbiskononNia ma hamatean ro di salolot-lolotna! Apusan ni Tuhan Debata ma ilu-ilu sian ganop mata, jana padaoonNa habilean na nitanggung ni halakNia di sude portibi on. Madung didok Tuhan i songon i, angkon tulus do i tarjadi.
Ale Tuhan bangsoMu na mate i mangolu ma mangulahi, angka bangke ni halahi ngot sanoli nari. Halak na dung ditanom di bagasan tano, ngot ma i jana marolop-olop. PangoluonMu ma bangsoMu na dung mate honok, songon ombun na pajagarkon tano.”
Giot paluaonKu dehe bangso on sian kuaso ni inganan ni jolma na mate? Jo hamatean, sarsarkon ma balamu! Padalan ma karejomu na manyegohon i! Nada be ibo rohangKu mida bangso on.
jadi martua ma ho hara ni i. Angke nada tarbalos angka halak na songon i denggan ni rohami. Harana angkon dapotan balosna ma ho di ari hangongot ni angka na tigor roha i.”
Jana songon on ma hagiot ni na marsuru Au; anso ulang Huagohon sahalak pe sian sudena halak na nipasahatNia tu Au; tapi anso Hupangolu do halahi mangulahi dung di Ari Parpudi.
Harana on do hagiot ni Damang: Sudena halak na marnida Anak i jana porsaya tuSia, i do na marhangoluan na so mantak jana pangoluonKu ma halahi mangulahi dung di Ari Parpudi.”
Hara ni haporsayaanna gabe dijagit angka dadaboru do angka na matena na mulak mangolu. Tapi adong muse do na mangalehen dirina disiksa lopus mate, jana manjua do halahi nipalua, hara ni na giot maruli halahi di hangongot na dumenggan.