JOHANNES 11:2 - BIBEL JAMITA NA DENGGAN

² Si Maria ma halakna na manduruskon miak na huskus i tu pat ni Tuhan i jana mangapusina dohot obuknia. Ibotonia ma si Lasarus na marnyae i.)

JOHANNES 11:2 ပူးပေါင်းရင်းမြစ်များ

MARKUS 14:3

Hatiha di Betania Jesus, di bagas ni si Simon na huliton i hian do Ia. Dompak mangan Jesus disi, ro ma sada dadaboru mandapotkon Ia maroban sada botol pualam na marisi miak na huskus. Sigodang arga do miak na huskus i, i ma na nitanak ni halak sian urat-urat na huskus. Ditaporkon anak boru i ma botol i laho mangusehon miak na huskus i tu ulu ni Jesus.

LUKAS 7:13

Dung diida Jesus anak boru i, gabe ibo ma rohaNia midasa ning Ia ma, “Ulang be sai tangis ho inang!”

LUKAS 7:19

disuru ia ma halahi kehe mandapotkon Tuhan Jesus laho manyapai, “Ho do ulaning na giot ro i sanga adong dope halak na asing sipainteonnami?”

JOHANNES 11:21

Dung i didok si Marta ma tu Jesus, “Sugari dison Ho Tuhan dompak so mate ibotongki, tontu nada tulus ia mate!

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

JOHANNES 11:32

Dung lalu si Maria tu inganan ni Jesus jana diida ia ma Jesus, marsinggang ma ia di jolo ni Jesus mandok, “O Tuhan, sugari dison Tuhan i, nada jabat mate ibotongki!”

JOHANNES 12:3

Dung i ro ma si Maria maroban hira-hira satonga liter narwastu, i ma miak na lobi huskus jana na arga situtu. Diusehon ia ma miak i tu pat ni Jesus jana diapus ia ma dohot obuknia. Gabe huskus ma sude bagas i hara ni uap ni miak na huskus i.

JOHANNES 13:13

Digoari hamu do Au Guru dohot Tuhan. Tutu do na nidokmunu i; harana Guru do Au tutu jana Tuhan.

JOHANNES 13:14

Jadi muda Au Tuhan dohot Gurumunu mamasu patmunu, hamu pe angkon marsibasuan pat ni donganna ma hamu.