JOHANNES 11:19 - BIBEL JAMITA NA DENGGAN

¹⁹ Bahat do halak Jahudi marroan manopot si Maria dohot si Marta laho mangapoi halahi hara ni parmonding ni si Lasarus ibotona i.

JOHANNES 11:19 ပူးပေါင်းရင်းမြစ်များ

PAMUNGKAAN 37:35

Sude dakdanaknia i dadaboru dohot halaklahi, marroan do laho mangapoi ia, tapi nada ra ia niapoan. Didok ia do, “Anggo au lopus manuat au tu portibi ni halak na mate, sai andunganku do anakki.” Songon i ma sai torus markutondo ia hara ni si Josep anaknia i.

2 SAMUEL 10:2

Dung i didok Raja Daud ma, “Giotku mardongan do dohot si Hanun laing songon tu amangnia i si Nahas, na mardongan dohot au.” Jadi disuru si Daud ma utusan tu Luat Amon jana dipalalu halahi ma tona paboa na dohot ia mararsak ni roha.

1 JUJUR TAON 10:12

markehean ma angka halak na umpuluk sian halahi laho mambuat bangke ni si Saul dohot angka dakdanakna i. Dioban halahi ma i tu Jabes jana dikubur halahi ma di toru ni sada hayu na godang. Jadi puaso ma halahi pitu ari lolotna.

JOB 2:11

Madung tarbege sitaonon ni si Job tu donganna tolu halak, i ma si Elifas na sian kota Teman, si Bildad halak Suah dohot si Sopar halak Naamah. Martahi ma halahi laho mangaligi lalu mangapoi ia.

JOB 42:11

Marroan ma manopot si Job sude angkangnia dohot ibotonia maradu ale-alenia sude di hatiha na salpu, lalu rap marpesta ma halahi di bagasnia. Dipaboa halahi ma na dohot halahi marsak hara ni sude hasusaan na niparo ni Tuhan tusia jana diapoi halahi ma ia. Marsilehen ma halahi hepeng na sasadia be dohot tintin sada be tu si Job.

PARJAMITA 7:2

Gumonan do kehe tu na marsitaonon umpado tu parpestaan. Harana angkon sai ingotonta na intean do hamatean i tu ganop jolma.

JESAYA 51:19

Dua ragam parmaraan na manondong ho; ise ma na dohot marsiluluton maradopkon ho? Hasusude dohot hasesego, tangkuraparon dohot podang ise ma na giot mangapoi ho?

ANDUNG 1:16

Patunda ni i ma da maraburan iluniba, nada adong na mangalehen gogo dohot pangapoi ni roha. Mago ma sude na adong di bangso i, angke gumodang antong kuaso ni musui.

ANDUNG 1:2

Tumatangis do ia dangol sasaborngin ramram ilu-ilu di hurumna i. Sahalak pe nada adong sian haholongan ni rohana na ra mangapoi ia. Dihianati angka donganna ia na marbalik gabe alona.

ANDUNG 1:21

Tangihon ma holos ni rohangku, nada adong be na mangapoi iba. Marmoga-moga musuniba hara ni na nibaenMu marmara iba. Paro ma da ari na nijanjihonMi; baen ma songon au marhancit halahi.

ANDUNG 1:9

Torang do tarida hahodaranna tapi nada diampirkon ia bagiannia. Santak ma da parsegona, hape sahalak pe nada adong mangapoisa. Mangido ibo ni roha ia sian Tuhan, hara ni angka musuna na dung monang.

ANDUNG 2:13

O ale Jerusalem, na ni haholongan, aha ma dohononku tu ho? Bia ma baenonku mangapuli ho? Nada adong dope jungada manaon na songon on. Nada marbatas hamamagomu songon laut na bidang, nada adong be si arophononmu.

LUKAS 10:39

Adong do anggi ni si Marta, na margoar si Maria. Juguk sajo ma si Maria di lambung pat ni Jesus manangihon pangajaranNia.

LUKAS 10:42

Hape hum sada do na porlu! Jana madung ditodo si Maria na denggan i, na so buaton be sian ia.”

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 11:1

Adong ma sada halak na marnyae, si Lasarus goarna. Di Betania do ia maringanan, i ma kota ni si Maria dohot si Marta na martinadohon i. (

JOHANNES 11:31

Diida halak Jahudi na marjuguhan na mangapoi si Maria di bagas i ma si Maria jongjong mopop tu ruar, gabe diihutkon halahi ma ia, harana diambang halahi na giot kehe tu kuburan do ia giot mangandungi disi.

JOHANNES 11:33

Dung diida Jesus tangis si Maria jana dohot muse ma halak Jahudi na marroan i dohot si Maria tangis muse, gabe marsak jana ibo sajo ma roha ni Jesus.

JOHANNES 11:36

Gabe didok halak Jahudi i ma, “Ligi ma, holong ni rohaNia i tu si Lasarus!”

JOHANNES 11:45

Bahat do halak Jahudi na marroan i manopotkon si Maria gabe porsaya tu Jesus, dung diida halahi na masa i.

JOHANNES 11:8

Dialusi angka siseanNia i ma, “Baru dope, na giot didangguri ni halak Jahudi i Guru i dohot batu, hape saonnari giot mangulahi ma Guru i tusi?”

SURAT NI SI PAULUS TU PARLAGUTAN ROM 12:15

Marjop ni roha ma hamu dohot angka na marjop ni roha, jana tangis ma hamu dohot angka na tangis.

2 KORINTUS 1:4

Diapoi Ia do rohanami di bagasan sasudena hasusaan na hami bolus, anso tarapoi hami muse ma roha ni halak na di bagasan hasusaan markite-hite gogo na hami jagit i sian Debata.

1 TESSALONIKA 4:18

Antong marsipatoguan roha ma hamu, mardongan angka pandohan on.

1 TESSALONIKA 5:11

Hara ni i, marsipaingotan ma hamu jana marsipatoguan di haporsayaan, laing songon na nibaenmunu saonnari.

1 SAMUEL 31:13

Dipalagut ma sude holi-holina i jana dikubur ma di toru ni hayu tamariska na di kota i. Dung i puaso ma halahi pitu ari lolotna.