JOHANNES 11:16 - BIBEL JAMITA NA DENGGAN

¹⁶ Didok si Tomas na nigoaran muse “si Linduat” ma tu angka dongannia sisean i, “Beta ma laing dohot hita anso rap mate hita dohot ia!”

JOHANNES 11:16 ပူးပေါင်းရင်းမြစ်များ

MATEUS 10:3

Dung i muse si Pilipus, si Bartolomeus, si Tomas, si Mateus panjagit pajak i, dung i si Jakobus anak ni si Alfeus, si Tadeus;

MATEUS 26:35

Dialusi si Petrus ma, “Sugari pe angkon tarpaksa mate au rap dohot Ho Tuhan, nada na dohononku na so hutanda Ho Tuhan!” Songon i ma dipandok sude anak sisean na asing i.

MARKUS 3:18

Si Andreas, si Pilipus, si Bartolomeus, si Mateus, si Tomas, si Jakobus anak ni si Alfeus, si Tadeus, si Simon sian Kana,

LUKAS 22:33

Dialusi si Petrus ma, “Olo Tuhan, rade do au masuk tu hurungan jana mate rap dohot Ho!”

LUKAS 6:15

si Mateus dohot si Tomas, si Jakobus anak ni si Alfeus dohot si Simon (na nigoaran halak Zelot),

JOHANNES 11:15

Tapi hara ni na porlu tu hamu sude, gabe jop do rohangKu nada disi Au, anso porsaya hamu. Beta ma tadapotkon si Lasarus.”

JOHANNES 11:8

Dialusi angka siseanNia i ma, “Baru dope, na giot didangguri ni halak Jahudi i Guru i dohot batu, hape saonnari giot mangulahi ma Guru i tusi?”

JOHANNES 13:37

Didok si Petrus ma tuSia, “Biasi nada tarihutkon au Ho saonnari Tuhan? Ra do au mate humopkop Ho Tuhan!”

JOHANNES 14:5

Dung i didok si Tomas ma tu Jesus, “Nada hami boto Tuhan sanga na giot tu dia Ho kehe, sian dia ma hami boto dalan tusi?”

JOHANNES 21:2

Lagut ma hatiha i si Simon Petrus dohot si Tomas na nigoaran muse si Linduat, dohot si Natanael halak Kana na di Galilea, songon i muse angka anak ni si Zebedeus rap dohot dua halak nari sisean ni Jesus na asing.

BAENON NI ANGKA RASUL 1:13

Dung di Jerusalem, masuk ma halahi tu bagas panompangan ni halahi i torus tu kamar na di lotengna i. Angka on ma goar-goar ni rasul i: Si Petrus dohot si Johannes, si Jakobus dohot si Andreas, si Pilipus dohot si Tomas, si Bartolomeus dohot si Mateus, si Jakobus anak ni si Alpeus, si Simon Ulubalang i dohot si Judas anak ni si Jakobus;