JOHANNES 11:11 - BIBEL JAMITA NA DENGGAN

¹¹ Songon i ma pandok ni Jesus. Dung i didok Ia muse dope tehe, “Madung modom si Lasarus donganta i, tapi kehe ma Au manyungguli ia.”

JOHANNES 11:11 ပူးပေါင်းရင်းမြစ်များ

2 RAJA-RAJA 4:31

Anggo si Gehasi madung parjolo giot mamayakkon tungkot ni si Elisa i tu pamatang ni dakdanak i, hape nada adong sora sanga gorak pe na asing na patandahon mangolu dakdanak i. Jadi gabe kehe ma si Gehasi mandapotkon si Elisa jana didok ia ma, “Nada tarsunggul dope dakdanak i.”

2 JUJUR TAON 20:7

Ho do Debatanami. Dompak na ro bangsoMu Israel tu luat on, dipaorot Ho do angka jolma na maringanan hatiha i dison. Lalu dilehen Ho luat on tu pomparan ni si Abraham, ale-aleMi anso gabe tano nampuna ni halahi sandiri sapanjangna.

HARURUAR 33:11

Jana marsiadopan bohi do Tuhan manghatai dohot si Musa songon sada halak na manghatai dohot donganna; dung sidung, mulak ma ia mangulahi tu parbandaran. Tapi anggo pangoloinia si Josua anak ni si Nun, na poso dope. Anggo ia nada morot sian bandar i.

JESAYA 41:8

Tapi anggo ho ale Israel, naposo todoan ni rohangKu, pomparan ni si Abraham do ho, ale-alengKu.

DANIEL 12:2

Bahat do sian halahi na dung mate mulak mangolu muse; deba ma i tu hangoluan na manongtong, jana deba nari tu habilean na manongtong muse.

MATEUS 27:52

Marmungkapan ma angka kuburan. Bahat halak ni Debata na dung mate mulak mangolu.

MATEUS 9:24

didok Ia ma, “Ruar ma jolo hamu sude! Inda na mate dakdanak on. Na modom do i.” Dipartatai halahi ma Jesus.

MARKUS 5:39

Masuk ma Jesus tu bagasan didok Ia ma tu halahi, “Biasi gaor, jana martangisan hamu? Nada na mate dakdanak i, na modom sajo do i!”

JOHANNES 11:10

Tapi muda borngin do halahi mardalan, tartuktuk ma ia, angke nada adong na torang disia.”

JOHANNES 11:12

Didok angka sisean ni Jesus i ma, “Muda tarpodom do si Lasarus Tuhan, na giot malum ma i.”

JOHANNES 11:13

Hape anggo na nidok ni Jesus paboa na dung mate do si Lasarus. Tapi ninna roha ni halahi, na tutu do tarpodom si Lasarus anggo maksud ni Jesus.

JOHANNES 11:3

Ditonahon halahi na dua ma barita i tu Jesus, ninna halahi ma di tona i, “Tuhan, marnyae do donganMu haholongan ni rohaMi.”

JOHANNES 3:29

Bayo pangoli do nampuna boru na niolina. Anggo dongan ni bayo pangoli i hum jongjong sajo do ia mandongani jana manangihon pangoli i jana jop ma rohania umbege sora ni pangoli i. Songon i ma au, saonnari marjop ni roha situtu do au.

BAENON NI ANGKA RASUL 7:60

Marsinggang ma ia, dipagogo ia ma sorania mandok, “Ulang ma dijujur dosa on tu halahi, ale Tuhan!” ning ia. Dung didok ia songon i, marujung ma ngolunia. Si Saulus pe moga ma dihilala ia hara ni na mamunu jolma i.

1 KORINTUS 15:18

Dung i mago muse ma angka na mate di bagasan Kristus i.

1 KORINTUS 15:34

Torang ma rohamunu jana ulang be mambaen dosa hamu. Adong dope sian hamu halak na so tangkas mananda Debata. Hudok pe songon i, anso maila do hamu di dirimunu.

1 KORINTUS 15:51

Ligi da, hupaboa ma sada rahasia di hamu: Nada jabat mate hita sude tapi nipauba ma hita sudena.

EPESUS 5:14

Jana sasudena na tarida tangkas, na torang do i. Hara ni i do umbaen na didok, “Ngot ma ho na modom i, jana jongjong ma ho sian hamatean! Giot marsinondang ma Kristus di ginjangmu.”

PANGARATAION 31:16

Didok Tuhan ma tu si Musa, “Nada pola sadia lolot nari marujung ma ngolumu. Dung salpu hamamatemu, nada setia be bangso Israel tu Au jana gagaan ni halahi ma parjanjian na Hubaen i dohot halahi. Tadingkonon ni halahi ma Au laho mamele tu angka debata na asing na nisomba ni angka na maringanan di tano na so sadia lolot nari be masuhanmunu.

1 TESSALONIKA 5:10

Hara ni hita do umbaen na mate Jesus, anso tarbaen mangolu hita rap dohot Ia muda ro Ia muse – sanga na laing mangolu hita disi sanga pe na dung mate.

JAKOBUS 2:23

Hombar do i tu ayat na mandok, “Porsaya do si Abraham tu Debata, jana dietong ma i disia gabe hatigoran.” Hara ni i ma umbaen na nigoaran si Abraham, “Ale-ale ni Debata.”