JOHANNES 10:9 - BIBEL JAMITA NA DENGGAN

⁹ Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

JOHANNES 10:9 ပူးပေါင်းရင်းမြစ်များ

MASMUR 95:7

Angke Ia do antong Debatanta, bangso na niparmahananNia do hita, songon biri-biri na nitogu-toguNia. Jadi saonnari tangihon ma soraNia:

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JEHESKIEL 36:38

Angka kota na masego saonnari, gok ma sanolion manginganisa songon Jerusalem di hatiha na salpu na gok dohot biri-biri na dihaulkon di hatiha pesta. Jadi botoonmunu ma Au do Tuhan.”

ZAKARIA 10:12

PargogoanKu ma bangsongKu, oloanna jana marsomba ma halahi tu Au. Au Tuhan, mandok songon i.”

JOHANNES 10:1

“Tutu situtu do na Hudok on tu hamu: Sanga ise na masuk tu bara ni biri-biri i nada sian pintu, sipanangko do i jana panyamun.

JOHANNES 10:3

Jadi diungkap panjago i ma pintu i tu parmahan i, jana ditangihon angka biri-biri i ma sora ni parmahan i di na nipiohonnia angka biri-birinia i hombar tu goar-goarna be; dung i dioban ia ma halahi tu ruar.

JOHANNES 10:7

Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.