JOHANNES 10:7 - BIBEL JAMITA NA DENGGAN

⁷ Didok Jesus ma mangulahi, “Tutu do na Hudokkon tu hamu: ‘Au do pintu di biri-biri i.

JOHANNES 10:7 ပူးပေါင်းရင်းမြစ်များ

MASMUR 100:3

Ingot ma anggo Tuhan i, Debata do Ia do manompa hita jana nampunaNia do hita, bangsoNia do hita, bangso na nipature-tureNia.

MASMUR 79:13

Dung i, sude hami bangsoMu, biri-biri na niparmahanMu, mandok tarimakasima salolot-lolotna, jana baritahononnami ma puji-pujian di goarMu, marsundut-sundut.

MASMUR 95:7

Angke Ia do antong Debatanta, bangso na niparmahananNia do hita, songon biri-biri na nitogu-toguNia. Jadi saonnari tangihon ma soraNia:

JESAYA 53:6

Lilu do hita sudena songon biri-biri, marsitondong dalanna be. tapi madung dihonahon Tuhan tusia sude hajahatanta.

JEHESKIEL 34:31

Tutu ma, hamu do punguan ni biri-biringKu na Hubalanjoi. BangsongKu noma hamu, jana Au Debatamunu. Au Tuhan Debata madung mandok songon i.”

JEHESKIEL 36:38

Angka kota na masego saonnari, gok ma sanolion manginganisa songon Jerusalem di hatiha na salpu na gok dohot biri-biri na dihaulkon di hatiha pesta. Jadi botoonmunu ma Au do Tuhan.”

JOHANNES 10:1

“Tutu situtu do na Hudok on tu hamu: Sanga ise na masuk tu bara ni biri-biri i nada sian pintu, sipanangko do i jana panyamun.

JOHANNES 10:9

Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

EPESUS 2:18

Markite-hite Kristus tarbaen ma hita sudena solkot tu Ama i – sanga na halak Jahudi sanga pe angka na so Jahudi.