JOHANNES 10:6 - BIBEL JAMITA NA DENGGAN

⁶ Nada diastui angka halak na umbegean i sanga aha astuan ni umpama na nidok ni Jesus i.

JOHANNES 10:6 ပူးပေါင်းရင်းမြစ်များ

MASMUR 106:7

Nada diastui ompunami di Mesir; hahomangan na nikarejohonMu nada diboto halahi. Lupa do halahi di holong ni rohaMu na godang i; di lambung ni Laut Rara dialo halahi do Na Gumincat i.

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

PODA 28:5

Nada diastui halak na so hasaya hatigoran, tangkas sajo do i diastui halak na manyomba Tuhan.

JESAYA 56:11

Songon anjing na songkal do halahi na so habutongan. Nada adong pikiran ni angka pamimpin i. Marsibaen roha-rohana do halahi jana marsijalahi untung tu dirina be.

DANIEL 12:10

Bahat do halak na giot papolinon. Nada mangarti anggo halak na jahat, jana torus do halahi mambaen jahat; hum halak na marbisuk do na mangastuisa.

MATEUS 13:34

Marumpama do Jesus mangajarkon i sude tu halak na bahat i, nada adong na niajarkonNia ia so marhite umpama.

MATEUS 13:51

“Mangarti do hamu sudena i?” ninna Jesus manyapai. “Madung!” ning halahi mangalusi.

MARKUS 4:34

Sai marumpama do Jesus muda mangajari Ia tu halak na bahat i. Tapi anggo Ia dohot angka siseanNia i sajo, dipatorang Ia do sude tu halahi.

JOHANNES 16:25

“Markite-hite umpama do sudena i Hupatorang tu hamu. Tapi ro do hatihana, nada pola marumpama be Au muda mandok hata tu hamu. Torus tangkas noma dokkononKu tu hamu taringot tu Ama i.

JOHANNES 16:29

Dung i didok angka siseanNia i ma tu Jesus, “Saonnari madung marsitangkas Ho Tuhan mandok hata; nada be marumpama Ho.

JOHANNES 6:52

Gabe martongkari ma halak Jahudi sama halahi hara ni hata ni Jesus nangkinan i. “Bia do pangalehen ni Bayo on di pamatangNia i tu hita gabe sipanganon?” ninna halahi.

JOHANNES 6:60

Bahat do angka sisean ni Jesus umbege angka hata na nidok ni Jesus i. Didok halahi ma, “Ma kasartu do pangajaran on. Ise ma he na tahan manangihonsa?”

JOHANNES 7:36

Aha dehe maksudNia mandok, ‘Jalahanmunu ma Au tapi nada dapot hamu Au,’ dohot, ‘Nada tarbaen hamu ro tu ingananKi?’ ”

JOHANNES 8:27

Nada diboto halahi, taringot tu Ama i do na nihatahonNia.

JOHANNES 8:43

Hara ni aha dehe umbaen na so diastui hamu na Hudok i? Angke nada tahan hamu umbege pangajaranKi.

1 KORINTUS 2:14

Halak na so maruli Tondi Ni Debata, nada tarjagitsa di bagasan rohana sanga aha na nipatorang ni Tondi i. Harana songon haotoan do angka na songon i di halahi. Nada haastuan halahi angka pangalaho na songon i, angke angkon sian partondion do i tarastui.

2 PETRUS 2:22

Sude na nibaen ni halahi tudos do tu pandohan on, “Mulak do anjing mangan uta-utana,” dohot, “Mulak marluntak do babi diparguluanna.”

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.