JOHANNES 10:35 - BIBEL JAMITA NA DENGGAN

³⁵ Jana sude hita rap taoku do anggo na tarsurat di Buku Na Badia i, nada tarbaen sundat i. Antong anggo songon i, muda tu angka na manjagit hata ni Debata i, digoari Debata sandiri halahi angka debata,

JOHANNES 10:35 ပူးပေါင်းရင်းမြစ်များ

PAMUNGKAAN 15:1

Dung i dijagit si Abram ma sada halumbaan, jana dibege ia ma Tuhan mandok tusia, “Ulang ho mabiar Abram, Au do mangondingi ho sian parmaraan, jana lehenonKu ma tu ho upa bahat.”

2 SAMUEL 7:5

“Kehe ma ho, jana palalu ma tonangKon tu naposongKu si Daud, ‘Biasi giot di pajongjong ho bagas di Au.

1 JUJUR TAON 22:8

Hape didok Tuhan, madung mabahattu au marporang dohot mamunu jolma. Hara ni i ma umbaen na so diisinkon Tuhan au pajongjongkon bagas diSia.

2 JUJUR TAON 19:2

ro ma sada halak panurirang na margoar si Jehu anak ni si Hanani mangadop tu raja i. Didok panurirang i ma tusia, “Patut ma he raja i mamihak tu halak na jahat jana mamihak tu halak na manghagigihon Tuhan? Muruk do Tuhan tu raja i patunda ni parbuatan ni raja i.

MATEUS 24:35

Anggo langit dohot tano on mago do, tapi anggo hatangKi angkon hot do salolot-lolotna.”

MATEUS 27:35

Dung i diparsilangkon halahi ma Ia. Mardadu ma halahi laho mambagi-bagi abitNia i.

MATEUS 5:18

Ingot ma! Salolot adong langit dohot tano on, satitik sanga sahurup na menek pe nada tola nisesa sian Tona i, lopus tulus sudena i!

LUKAS 16:17

Tapi ummura dope mago langit dohot tano, ulang pado mago sada hurup sian Tona i.

JOHANNES 10:34

Dung i didok Jesus ma mangalusi, “Inda he tarsurat di Buku Tona i: Madung Hudok, ‘Angka debata do hamu’?

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 19:28

Dung i diboto Jesus ma na dung sidung sasudena; jadi songon na tarsurat di Buku Na Badia i angkon laing tulus do i, gabe didok Ia ma, “Manguas Au.”

BAENON NI ANGKA RASUL 1:16

“Hamu ale angka dongan! Angkon tulus do tarjadi sanga aha na tarsurat di Buku Na Badia i. Najolo madung dipaboa Tondi Parbadia markite-hite si Daud taringot tu si Judas, i ma na manguluhon halak laho manangkup Jesus i.

SURAT NI SI PAULUS TU PARLAGUTAN ROM 13:1

Angkon sude do halak mangoloi pamarenta, angke nada adong pamarenta na so manjagit kuasona sian Debata. Jana pamarenta na adong pe, sian parenta ni Debata do i.

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.

1 SAMUEL 15:1

Sanoli didok si Samuel ma tu si Saul, “Na nisuru ni Tuhan do au mangojakkon raja i gabe raja di Israel bangsoNa i. Jadi patutna ma nian tangihonon ni raja i parenta ni Tuhan Na Markuaso i.

1 SAMUEL 28:6

Gabe mangido panogu-noguon ma ia tu Tuhan, hape nada dialusi Tuhan ia, sanga di nipi bope dohot na mamake Urim dohot Tumim sanga pe markite-hite panurirang.

1 SAMUEL 30:8

Dung i marsapa ma si Daud tu Tuhan, “Angkon kojaronku do ulaning garombolan pangaroro i? Tarkojar au dope halahi?” Dialusi Tuhan ma, “Olo, kojar ma! Dapot ho dope i jana paluaonmu ma angka na tartaban i.”