JOHANNES 10:31 - BIBEL JAMITA NA DENGGAN

³¹ Dung i dibuat angka parkuaso ni Jahudi i ma mangulahi batu laho mandanggur Jesus.

JOHANNES 10:31 ပူးပေါင်းရင်းမြစ်များ

HARURUAR 17:4

Pio-pio ma si Musa tu Tuhan, ning ia ma, “Aha ma baenonku tu angka halak on? Ligi ma, madung marhobas halahi giot mandangguri au dohot batu.”

MATEUS 12:14

Ditinggalkon halak Parise i ma inganan i, martahi ma halahi giot mamunu Jesus.

MATEUS 21:35

Tapi ditangkupi angka na mamola kobun i ma angka naposo ni partano na bidang i: Na sada dibalbali, na sada nari dibunu halahi, angka na asing i pe didangguri halahi do dohot batu.

MATEUS 23:35

Ujungna madabu ma tu hamu uhuman hara ni na nibunumunu sude angka na so marsala i mamungka sian pamunuon na tu si Abel na so marsala i lalu tu pamunuon na tu si Zakaria anak ni si Berekia na giot bunuonmunu di holang-kolang ni bilik na badia dohot inganan ni haul na di Bagas Ni Debata i.

JOHANNES 1:19

Jana on ma na disaksihon ni si Johannes hatiha na disuru ni halak Jahudi na sian Jerusalem angka malim dohot halak Levi laho manyapai ia, “Ise dehe ho?”

JOHANNES 10:24

dirongomi angka parkuaso ni halak Jahudi ma Jesus disi. Ninna halahi ma tuSia, “Sadia honok nari sai pagangguon ni Guru i rohanami? Tangkas ma didokkon Guru i muda na Ho do Kristus i.”

JOHANNES 10:32

Tapi didok Jesus ma tu halahi, “Madung diida hamu Au mambaen angka karejo na denggan, na nisuruhon ni Damang karejohononKu; sian sude parkarejoan i, hara ni karejo na dia ma umbaen giot dangguranmunu Au?”

JOHANNES 11:8

Dialusi angka siseanNia i ma, “Baru dope, na giot didangguri ni halak Jahudi i Guru i dohot batu, hape saonnari giot mangulahi ma Guru i tusi?”

JOHANNES 5:18

Angka pandohan ni Jesus i ma mambaen mur dirohai angka pamimpin ni halak Jahudi i giot mamunu Ia. Nada hum hara ni na mangalanggar tona ni ugamo sajo, i ma taringot tu Ari Sabat umbaen na songon i dibaen halahi, tapi dohot do muse hara ni hataNia na mandok AmangNia Debata; astuanna disarupahon Ia ma Ia dohot Debata.

JOHANNES 8:59

Dung i dibuat angka halak Jahudi i ma batu giot mandanggur Jesus; tapi martabuni ma Jesus, lalu kehe Ia morot sian Bagas Ni Debata i.

BAENON NI ANGKA RASUL 7:52

Adong dehe panurirang na so diparkanciti ni angka ompungmunu i? Dibunu halahi do angka suruan ni Debata na mambaen boa-boa narobi, paboa na angkon ro ma Partigor i. Jana saonnari dihianati jana dibunu hamu do Naposo Ni Debata i.

1 SAMUEL 30:6

Giot marmara tutu do si Daud, dibaen sun do marsakna parangan ni si Daud i hara ni na agoan anak dohot dadaboru. Jadi gabe giot didangguri halahi do si Daud dohot batu. Jadi targogot situtu ma si Daud, tapi laing dipatogu Tuhan Debatania mangulahi rohania.