JOHANNES 10:3 - BIBEL JAMITA NA DENGGAN

³ Jadi diungkap panjago i ma pintu i tu parmahan i, jana ditangihon angka biri-biri i ma sora ni parmahan i di na nipiohonnia angka biri-birinia i hombar tu goar-goarna be; dung i dioban ia ma halahi tu ruar.

JOHANNES 10:3 ပူးပေါင်းရင်းမြစ်များ

MASMUR 80:1

Ale Parmahan ni Israel, tangihon ma hami, Ho do pamimpin ni bangsoMu, sai parrohahon hami. Ho na marhabangsa di ginjang ni kerub, ro ma Ho mardongan sahala na godang.

HARURUAR 33:17

Didok Tuhan ma tu si Musa, “Huoloi pe pangidoanmi hara ni na lomo rohangKu di ho jana Hutanda ho tangkas.”

PODA 27:23

Denggan ma pature-ture pahan-pahananmu,

ENDE NA GODANG 8:13

O hasianku, na juguk di kobun, ligi ma au on rap dohot angka donganku. Por rohanami laho umbege soramu, hasian.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 42:16

Giot toguonKu na mapitung i mamolus dalan na so ditanda halahi Humani. Hagolapan Hubaen gabe na torang di halahi, dalan na margaba-gobi Hubaen mangornop. I ma janjingKu tu halahi jana patulusonKu ma sudena i.

JOHANNES 10:14

Au do parmahan na denggan. Hutanda do angka biri-biringKu jana ditanda halahi do Au,

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 10:4

Dung dioban ia angka biri-biri i tu ruar, di jolo ma mardalan parmahan i, jana mangihut ma angka biri-birinia i sian pudinia harana ditanda halahi do sorania.

JOHANNES 10:9

Au do pintu i. Sanga ise na masuk sian Au, dapotan haluaan; dapotan jampalan ma i muda masuk sanga karuar.’

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

JOHANNES 6:45

Tarsurat do di buku ni angka panurirang songon on: Ajaran ni Debata ma sudena halak. Jadi sudena halak na manangihon Debata jana na marsiajar sian Ia, angka halahi ma na ro tu Au.

SURAT NI SI PAULUS TU PARLAGUTAN ROM 8:30

Jana halahi na nitontuhonNia sian mulana, laing dipio Ia muse ma i. Jana halahi na nipioNia i laing dipatigor Ia muse ma i. Jana na nipatigorNia i, halahi muse ma na nipasangapNia.

1 KORINTUS 16:9

Topet do hatihana saonnari dison mambaen karejo na mararga, haru pe bahat muse halak na mangalo.

PILIPPI 4:3

Laing hupangido dope tu ho, donganku na bonar roha i sai urupi ma halahi, na dung marporang rap dohot au hara ni Jamita Na Denggan i rap dohot si Klemen dohot donganku saparkarejoan na asing i, na tarsurat do goar ni halahi di buku hangoluan i.

KOLOSSE 4:3

Laing tangiangkon hamu ma hami anso dilehen Debata di hami hatiha na denggan laho pararatkon rahasia na sian Debata taringot tu Kristus i. Angke hara ni i do umbaen na pola tarhurung au saonnari.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

1 PETRUS 1:12

Dipaboa Debata do tu angka panurirang i sasudena na nibaen ni halahi i laho mangoloi hamu do, jana nada na mangoloi halahi sandiri; i ma taringot tu angka na nibegemunu saonnari sian angka na manjamitahon Jamita Na Denggan. Mardongan kuaso ni Tondi Parbadia na nitongosNia sian banua ginjang do dipasahat halahi na songon i tu hamu. Salang angka surusuruan pe por do rohana mamboto barita na nipaboa ni halahi i.

1 JOHANNES 4:6

Sian Debata do haroronami; barang ise mananda Debata, tangihononna do hami. Barang ise na so sian Debata, nada tangihononna hami. Sian i do tatanda Tondi hasintongan dohot tondi na paliluhon.

3 JOHANNES 1:14

Didok rohangku nada pola sadia honok nari marsuo ma au dohot ho, disi ma hita na dua mangkobari.

HALUMBAAN 20:15

Sanga ise halak na so adong goarna tarsurat di bagasan buku hangoluan i, diambungkon ma tu bagasan laut api i.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”