JOHANNES 10:29 - BIBEL JAMITA NA DENGGAN

²⁹ Gumodangan dope Damang na mangalehen halahi di Au sian sasudena. Jana nada tarrampas sanga ise pe halahi sian parmahanion ni Damang.

JOHANNES 10:29 ပူးပေါင်းရင်းမြစ်များ

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

HARURUAR 18:11

Saonnari madung huboto, gumodang do hape Tuhan i sian sandok debata, harana di hatiha di hasombongan ni halak Mesir maradopkon halak Israel do dibaen Tuhan sudena on.”

DANIEL 4:3

Halongangan situtu ma da tanda na nibaenNia! Hahomangan godang do di roha na nipatupaNia! Mamarenta salolot-lolotna do Debata! Markuaso do Ia sapanjangna.”

MALEAKI 1:14

“Hona bura ma pangicu na manghaulkon tu Au pahan-pahanan na so mararga, anggo adong dope pahan-pahanan na asing na dung dijanjihon humani tu Au! Angke Au do Raja Godang, jana sandok bangso do pasangapkon Au.”

JOHANNES 10:28

Hulehen do di halahi hangoluan na so ra mantak. Bagi na bia pe nada mate halahi, jana nada tarrampas sanga ise pe halahi sian parmahanionKu.

JOHANNES 10:30

Sada do Au dohot Damang.”

JOHANNES 14:28

Ma dibege hamu Hudok, ‘Kehe ma Au, tapi ro do Au mandapotkon hamu mangulahi’. Anggo na holong do rohamunu tu Au, jop do rohamunu di na kehe Au tu Ama i, angke gumodang do Ama i sian Au.

JOHANNES 17:11

Saonnari ro ma Au mandapotkon Damang. Nada be di portibi on Au; tapi anggo halahi laing di portibi on dope. Ale Amang na badia! Jagohon ma halahi dohot kuasoMi – i ma kuaso na nilehen ni Damang i tu Au – anso gabe sada halahi songon Damang na sada dohot Au.

JOHANNES 17:2

Madung dilehen Damang tu Anak i kuaso mangarajai sude jolma manusia anso dilehen Anak i hangoluan na so mantak tu sudena halak na nipasahat ni Damang tuSia.

JOHANNES 17:6

Madung Hupatorang Ho Amang tu angka jolma na sian portibi on, i ma na dung nipasahatMu tu Au. Ho do Amang nampuna halahi; jana madung dipasahat Ho halahi tu Au. Madung diihutkon halahi hata na nilehenMi.

JOHANNES 17:9

Hara ni halahi do umbaen na martangiang Au. Nada Hutangiangkon anggo portibi on; hum tu angka jolma na nipasahat ni Damang i tu Au do na Hutangiangkon; harana Damang do nampuna halahi.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.