JOHANNES 10:27 - BIBEL JAMITA NA DENGGAN

²⁷ Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 10:27 ပူးပေါင်းရင်းမြစ်များ

1 RAJA-RAJA 18:21

jadi didonohi si Elia ma rayat i jana didok ia ma, “Intap ni andigan ma sai torus hamu mardua roha? Muda Tuhan do Debata, somba hamu ma Tuhan; muda Baal i do Debata, Baal ma somba!” Mangkohom ma rayat na disi i.

JESAYA 66:22

Songon langit dohot tano na imbaru na Hutompa i martahan hara ni kuasongKu, songon i ma laing martahan pomparanmu dohot goarmu.

MATEUS 16:24

Dung i didok Jesus ma tu anak siseanNia i, “Muda adong halak na giot mangihutkon Au, angkon dihalupahon ia do dirina sandiri, dung i diporsan ia ma silangna dung i pe anso diihutkon Au.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 25:12

Tapi dialusi bayo pangoli i ma, ‘Inda hutanda hamu!’ ”

MATEUS 7:23

Tapi anggo alusKu songon on ma, ‘Nada Hutanda hamu! Morot ma hamu sian Au, angka na jahat do hamu!’ ”

MARKUS 10:21

Dipanotnoti Jesus ma bayo i hara ni holong ni rohaNia midasa. Didok Ia ma, “Hum sada nari noma pangalaho na porlu di ho. Kehe ma ho manggadis sude sinadonganmu. Lehen ma hepengna i tu angka halak na pogos, dung i gabe adong ma dapot ho arta na di banua ginjang. Dung i ro ma ho mangihutkon Au!”

MARKUS 8:34

Dung i dipiohon Jesus ma halak na bahat na disi rap dohot angka anak siseanNia i. Didok Ia ma tu halahi, “Muda adong sanga ise na giot mangihutkon Au, angkon disoadahon ia do dirina. Dung i diporsan ia ma parsilangnia baru pe anso diihutkon ia Au.

LUKAS 13:27

Tapi ulahan ni Tuan i ma mandok, ‘Nada Huboto sanga na sian dia hamu. Kehe ma hamu sian on, sude hamu na mambaen hajahatan!’

LUKAS 9:23

Dung i mandok hata ma Jesus tu halak na bahat i, ning Ia ma, “Sanga ise na giot mangihutkon Au, angkon porsoonnia do dirina, angkon porsanonnia ma hayu parsilangnia ganop ari, jana torus mangihutkon Au.

JOHANNES 10:14

Au do parmahan na denggan. Hutanda do angka biri-biringKu jana ditanda halahi do Au,

JOHANNES 10:16

Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 10:8

Sude halak na parjolo sian Au, panangko do i jana panyamun, jana nada ditangihon angka biri-biri i sora ni i.

JOHANNES 12:26

Sanga ise na giot mangoloi Au angkon ihutkononnia do Au; anso sai tongtong rap dohot Au angka na mangoloi Au sanga di dia pe Au. Jana pasangapon ni Damang muse ma sanga ise na mangoloi Au.”

JOHANNES 21:22

Ninna Jesus ma mangalusi, “Muda jop rohangKu laing mangolu ia lopus ro Au mangulahi, ahana ma i di ho. Salaku ihutkon ma Au!” ninna Jesus.

JOHANNES 5:25

Tutu do na Hudok di hamu: Ro ma hatihana, jana tardok madung ro i, begeon ni halak na dung mate i ma sora ni Anak Ni Debata, jana sanga ise na umbegesa dapotan hangoluan.

JOHANNES 8:12

Didok Jesus dope mangulahi tu halahi, “Au do sinondang ni portibi on. Dapotan sinondang hangoluan do sanga ise na mangihutkon Au. Nada be mardalan di na golap halahi.”

JOHANNES 8:43

Hara ni aha dehe umbaen na so diastui hamu na Hudok i? Angke nada tahan hamu umbege pangajaranKi.

BAENON NI ANGKA RASUL 3:23

Sanga ise na so manangihon na nidok ni panurirang i, angkon dipasiding do ia sian bangso ni Debata jana dibunu.’

1 KORINTUS 8:3

Tapi sanga ise na marsitutu mangkaholongi Debata, ditanda Debata do ia.

GALATIA 4:9

Tapi saonnari madung ditanda hamu Debata sanga sumintong dope muda nidok, madung ditanda Debata hamu. Biasi dope laing ra hamu mulak mangulahi mandapotkon angka tondi ni portibi on na gale jana na pogos i? Biasi laing ra dope hamu diparhatoban angka tondi i mangulahi?

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

IBRANI 3:7

Hara ni i songon na nidok ni Tondi Parbadia, “Muda dibege hamu sadarion sora ni Debata,

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.