JOHANNES 10:21 - BIBEL JAMITA NA DENGGAN

²¹ Tapi adong muse do na mandok, “Anggo halak na hona setan, dia ma tarhatahon Ia na songon i! Dia ma tarbaen setan halak na mapitung gabe marnida?”

JOHANNES 10:21 ပူးပေါင်းရင်းမြစ်များ

MASMUR 146:8

jana dibuka Ia do mata ni halak na mapitung. Ditogu Ia do halak na tinggang, jana dihaholongi Ia halak na tigor.

MASMUR 94:9

Debata do na mambaen pinggolta, patut ma he nada marbinege? Ia do na mambaen matanta, patut ma he nada marnida?

HARURUAR 4:11

Didok Debata ma tusia, “Ise dehe na mangalehen pamangan tu jolma. Ise muse dehe mambaen jolma i ngungu sanga maingol? Ise mambaen marnida sanga mapitung? Nada he Au, Tuhan?

HARURUAR 8:19

gabe didok angka parelmu sihir i ma tu raja i, “Debata do mambaen on!” Tapi laing jogal do roha ni raja i, jana songon na nidok ni Tuhan, nada ra raja i manangihon si Musa dohot si Harun.

PODA 20:12

Dilehen Tuhan do di hita mata laho mangaligi, dohot pinggol laho marbinege.

MATEUS 11:5

Marnida na mapitung, mardalan na onyangon, malum na huliton, marbinege na maingol, mulak mangolu na mate, dung i dipaboa do Jamita Na Denggan sian Debata tu halak na pogos.

MATEUS 4:24

Tarbonggal do Jesus lalu tu tano Siria sude, gabe bahat ma marroan halak tuSia. Diparobani halak ma angka na marnyae dohot halak na marragam rupa hasusaanna. Adong ma i na hona begu, adong na solpoton, adong na pangpangon. Sude halahi dipamalum Jesus.

JOHANNES 10:22

Marpesta Parningotan Pangompoion Bagas Ni Debata ma halak di Jerusalem. Hatiha musim ngali ma disi.

JOHANNES 9:6

Dung didokkon Jesus songon i, marsitijur ma Ia tu tano, jana diluntak Ia ma tano i tu tijurNia. Dung i didaiskon Ia ma bustak i tu mata ni bayo i,