JOHANNES 10:20 - BIBEL JAMITA NA DENGGAN

²⁰ Bahat na mandok, “Na sibolison do i! Na rintik do i! Biasi dipatangi-tangi hamu i?” ning halahi.

JOHANNES 10:20 ပူးပေါင်းရင်းမြစ်များ

JESAYA 53:8

Ditahan do ia jana didabu uhuman, lalu hona oban tu panyambolan. Nada adong na parduli di bagiannia. Tutu do, mago ma ia sian tano ni halak na mangolu; gabe ia hona pukul hara ni dosa ni bangsongKu.

JEREMIA 29:26

“Madung diangkat Tuhan ho gabe malim manggontihon si Joyada, jana ho noma saonnari na gumincat pangkatna di Bagas Ni Tuhan. On do karejomu: Mamarentahon anso dibaen rante bosi tu rungkung ni sandok halak na rintik na mandok dirina panurirang.

MATEUS 10:25

Muda sarupa sada sisean dohot guruna jana sada naposo dohot tuanna, sapatutna madung tuk songon i di halahi. Muda digoari halahi nampuna bagas i si Beelsebul, mur ma halak na sabagas i. Goar na jumatjat noma dokkonon ni halahi.”

MATEUS 11:18

Ro ma si Johannes – nada mangan, nada minum ia, hape didok halak ia ‘na hona setan!’

MATEUS 9:34

Tapi anggo halak Parise songon on do didok halahi, “Kapala ni angka setan do mangalehen kuaso diSia laho paorotkon angka setan i.”

MARKUS 3:21

Jadi tarbege ma tu sisolkotNia na masa i, gabe ro ma halahi laho mangalap Ia. Harana didok halahi, “Ma rintik Ia!”

JOHANNES 7:20

Dialusi halak na bahat i ma, “Na marsibolis do Ho, ise he na giot mamunu Ho?”

JOHANNES 8:52

Dung i didok angka halak Jahudi i ma tu Jesus, “Saonnari pe anso tangkas sajo di hami, na nisonggopan ni setan do Ho! Si Abraham sandiri madung mate, songon i muse angka panurirang i. Hape didok Ho dope, ‘Sanga ise na mangoloi hatangKu, nada mate halahi salolot-lolotna.’

BAENON NI ANGKA RASUL 26:24

Jadi taran na pajojorkon pambelaan i dope si Paulus manggora ma si Pestus, “Madung rintik ho Paulus! Parbinotoanmu na bahat i do mambaen ho rintik!” ning ia.