JOHANNES 10:16 - BIBEL JAMITA NA DENGGAN

¹⁶ Adong dope angka biri-biri na asing laing Au nampunasa, tapi nada sabara dohot angka biri-biri on. Halahi pe angkon obanonKu do jana laing tangihonon ni halahi do sorangKu. Sudena halahi angkon gabe sapunguan jana sada parmahan.”

JOHANNES 10:16 ပူးပေါင်းရင်းမြစ်များ

PAMUNGKAAN 49:10

Tiopon ni si Juda ma tungkot harajaon. Mamarenta ma pomparanna sapanjangna. Marroan ma angka bangso pasahat somba-sombana. Jana manungkap tanda tunduk di jolona.

MASMUR 86:9

Ale Tuhan, giot marroan sandok bangso na nijadihonMu, laho marsomba Ho jana mamuji hagodanganMu.

PARJAMITA 12:11

Songon tungkot na pincur ni parmahan do hata ni halak na pistar, tungkot na nipakena mangaramoti biri-birina. Parpunguan ni poda dohot sipaingot, songon paku na pago hot. Laing basa-basa ni Debata do i sude, na marmahan hita sada-sada.

JESAYA 11:10

Dapot do hatihana, ro sada raja pomparan ni si Daud na gabe pamusatan ni roha ni angka bangso. Marlagut ma halahi di kota ni harajaan jana mangalehen sangap tusia.

JESAYA 43:6

Huparentahon tu Selatan dohot tu Utara, anso dipaloas jana ulang halahi niambatan. Anso mulak sian angka luat na dao dakdanakKi, padiar marmulahan halahi sian ujung ni portibi.

JESAYA 49:6

“Pamenek tu ma ho muda hum gabe naposongKu, laho pajongjongkon marga-marga ni Jakob, laho paulakkon halak Israel na tading i. Tapi baenonKu ma ho gabe sinondang di angka bangso anso haluaan na sian Au lalu tu ujung ni tano on.”

JESAYA 52:10

Patuduhonon ni Tuhan ma tanganNia na badia i di adopan ni sandok bangso, jadi sandok ujung ni portibi manyaksihon na ro Tuhan paluahon.

JESAYA 56:8

Madung marjanji Tuhan Debata na dung pataruhon Israel bangsoNa i mulak sian habuangan, obanonNia muse do angka bangso na asing anso marsada dohot halahi.

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

JEHESKIEL 34:23

AngkatonKu ma parmahan laho marmahani halahi, i ma naposongKu si Daud, jana parmahanonnia ma halahi.

JEHESKIEL 34:6

Gabe mampar ma angka biri-biringKi di angka tor na gincat dohot di angka dolok. Marserak ma halahi tu sude sisik ni portibi on, sahalak pe nada adong na manyarihon sanga na manjalahi halahi.

JEHESKIEL 37:22

BaenonKu ma halahi gabe sada bangso di tano i, di dolok ni Israel. Sada raja ma mamarenta halahi jana nada be matapor halahi gabe dua bangso sanga harajaan.

JEHESKIEL 37:24

Jadi naposongKu si Daud ma gabe rajana jana sada ma na marmahani halahi. Mangolu ma halahi di bagasan pangoloionna tu angka uhumKu dohot mangkarejohon sude angka tonangKu.

HOSEA 1:10

Gabe sabahat ni horsik na di topi ni laut bahat ni bangso Israel lopus nada habilangan. Saonnari didok Debata ma tu halahi, “Nada bangsongKu hamu,” tapi dapot do i hatihana dohononNia tu halahi, “Au ma da Debata na mangolu jana hamu angka dakdanakKu!”

ZAKARIA 2:11

Marroan ma di hatiha i bahat angka bangso tu Tuhan anso gabe bangsoNia. Maringanan ma Ia di tonga-tongamunu, jana gabe botoonmunu ma na dung disuru Tuhan au tu hamu.

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

LUKAS 15:8

“Sanga sugari rupani adong ma sahalak dadaboru nampuna sampulu kamata hepeng perak, hape mago sangkamata – aha ma baenonnia? Tontu tutungonnia ma lampu jana disapu ia bagasnia i laho manjalahi hepeng i tangkas lopus dapot.

JOHANNES 10:11

“Au do parmahan na denggan. Rade do mate anggo parmahan na denggan manghopkop biri-birina.

JOHANNES 10:2

Tapi anggo na masuk sian pintu, i ma parmahan ni biri-biri i.

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 10:3

Jadi diungkap panjago i ma pintu i tu parmahan i, jana ditangihon angka biri-biri i ma sora ni parmahan i di na nipiohonnia angka biri-birinia i hombar tu goar-goarna be; dung i dioban ia ma halahi tu ruar.

JOHANNES 10:4

Dung dioban ia angka biri-biri i tu ruar, di jolo ma mardalan parmahan i, jana mangihut ma angka biri-birinia i sian pudinia harana ditanda halahi do sorania.

JOHANNES 10:5

Nada ra be halahi mangihut tu halak na asing, marlojong do halahi kehe manadingkon halak na asing, harana nada ditanda halahi sorana i.”

JOHANNES 11:52

Jana nada hum hara ni halak Jahudi sajo, tapi dohot muse anso dipalagut sudena gabe sada angka dakdanak ni Debata na marserak i.

JOHANNES 17:20

Nada hum hara ni halahi sajo umbaen na martangiang Au. Laing Hutangiangkon muse do angka halak na giot porsaya tu Au hara ni hasaksian ni halahi on.

JOHANNES 6:37

Sudena halak na dung dipasahat Damang tu Au, ro ma halahi tu Au. Nada tulahonKu, sanga ise pe na ro tu Au.

BAENON NI ANGKA RASUL 15:14

Madung nipajojor si Simon bahaso sian mulana madung dipatuduhon Debata holongNia tu angka bangso na asing, anso laing dohot sian halahi dipili Debata na gabe bangsoNia.

BAENON NI ANGKA RASUL 18:10

Harana dongananKu do ho. Nada adong sahalak pe na mambaen na jahat tu ho, angke bahat do di kota on halak na gabe punangKu.”

BAENON NI ANGKA RASUL 22:14

Dung i didok ia ma tu au, ‘Madung dipili Debata ni angka ompunta i ho anso diboto ho hagiotNia boti anso diida ho na tigor i huhut manangihon soraNia sandiri.

SURAT NI SI PAULUS TU PARLAGUTAN ROM 11:25

Hara ni i ale angka dongan, ulang ma didok rohamunu na dung pistar hamu, giotku nian botoonmunu ma hasimoon on. Madung songgop hatangkangon tu bangso Israel, lopus gok masuk bilangan ni angka bangso na asing.

2 TESSALONIKA 2:13

Hamu angka dongan na nihaholongan ni Tuhan! Angkon sai tongtong do mandok tarimakasi hami tu Debata hara ni hamu, angke sian mulana madung dipili Debata hian hamu gabe halak sipaluaon. Sian parkarejoan ni Tondi Parbadia, di tonga-tongamunu do sudena i tarjadi laho mambaen hamu gabe halak na ias di Debata, boti hara ni haporsayaanmunu tu jamita na tutu i na sian Debata.

IBRANI 13:20

Madung dipangolu Debata Tuhanta Jesus sian hamatean. Hara ni hamamateNia i, gabe Parmahan Bolon ma Ia saonnari di hita na gabe songon biri-biriNia. Laing songon jaminan muse do hamamateNia i taringot tu janji na so ra muba na sian Debata.

1 PETRUS 2:10

Na jolo, nada bangso ni Debata hamu, hape anggo saonnari bangso ni Debata do hamu. Najolo, nada dihaholongi Debata hamu, hape anggo saonnari didai hamu do asi ni rohaNia.

1 PETRUS 2:25

Najolo, songon biri-biri na lilu do hamu hape anggo saonnari madung dioban hamu mangulahi mangihutkon Kristus, Parmahan jana na marmahani hamu.

1 PETRUS 5:4

Jadi muda ro Parmahan Bolon i, jagitonmunu ma tuku hamuliaon na so ra malos.

HALUMBAAN 3:20

Ligi ma! Jongjong do Au di jolo ni pintu manektek. Muda adong halak na umbege sorangKi, gabe dibuka ia pintu i, masuk ma Au mandapotkon ia; mangan ma Au rap dohot ia jana ia rap dohot Au.