JOHANNES 10:14 - BIBEL JAMITA NA DENGGAN

¹⁴ Au do parmahan na denggan. Hutanda do angka biri-biringKu jana ditanda halahi do Au,

JOHANNES 10:14 ပူးပေါင်းရင်းမြစ်များ

MASMUR 1:6

Ditogu-togu Tuhan do anggo halak pangoloi, tapi anggo halak na jahat muli-muli tu hamagoan do i.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

NAHUM 1:7

Na denggan do Tuhan i, ditolong Ia do bangsoNia taran marhasusaan, dijagohon Ia do halak na marsihohot tuSia,

JOHANNES 10:11

“Au do parmahan na denggan. Rade do mate anggo parmahan na denggan manghopkop biri-birina.

JOHANNES 10:13

Marlojong do parkarejo na niupaan i, angke hara ni na niupaan do ia antong umbaen na karejo; nada dipardulihon ia anggo biri-biri i.

JOHANNES 10:27

Ditangihon biri-biringKu do sorangKu. Hutanda do halahi jana diihutkon halahi do Au.

JOHANNES 17:3

On ma hangoluan na so mantak; anso ditanda halak Ama i, sasada Ia do Debata na tutu, jana mananda Jesus Kristus na nisuruhon ni Ama i.

JOHANNES 17:8

Madung Hupalalu tu halahi barita na nilehen ni Damang i tu Au; jana madung dijagit halahi i. Madung tangkas sajo di halahi, Damang do na marsuru Au.

2 KORINTUS 4:6

Debata do mandok, “Bincar ma na torang sian na golap.” Laing Debata na sada i muse do na pabincarkon sinondang i di bagasan rohanta, anso gabe torang rohanta laho mangastui hamuliaon ni Debata na marsinondang di bohi ni Jesus.

EPESUS 1:17

Hupangido anso dilehen Debata ni Tuhanta Jesus Kristus, i ma Debata na sangap i, TondiNia tu hamu. Gabe marbisuk do hamu baenon ni Tondi i, jana patandahononNia ma Debata tu hamu anso ditanda hamu Ia.

EPESUS 3:19

na so tarastui sabagas-bagasna anggo marsuhat tu pikiran ni jolma. Sai ditanda hamu ma nian holong ni roha ni Kristus i, anso gok hamu dohot hadirion ni Debata na sanggam i.

PILIPPI 3:8

Nada hum i dope, huetong do sasudena i gabe angka na parugi-rugihon au sajo. Ummarga do na adong di au saonnari on: I ma na mananda Jesus Kristus Tuhanki. Hara ni Kristus, gabe hupalua do sasudena. Songon rompak-rompak noma i sude huhilala, anso laing dapot au Kristus,

2 TIMOTEUS 1:12

Hara ni i ma umbaen na hutaon sudena on, tapi nada maila au, angke tangkas do huboto sanga ise na huhaporsayai. Pos do rohangku, sanga aha na nipasahatNia tu au, tarjagohon Ia do i lopus tu Ari Parpudi i.

2 TIMOTEUS 2:19

Hape anggo ojahan na nibaen ni Debata, ojahan na togu situtu do i jana na so tarhutur. Di ginjangna i tarsurat do, “Ditanda Tuhan do angka nampunaNia,” bope “Sanga ise na mandok nampuna ni Tuhan ia, angkon mantak ma halakna i mambaen dosa”.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

HALUMBAAN 2:13

Huboto do sanga di dia hamu maringanan. Di inganan ni kuaso ni Sibolis i do ingananmunu. Burju do hamu tu Au. Dompak na dibunu i pe si Antipas saksingKu na burju i di tonga-tongamunu di markas ni Sibolis i, disi pe nada disoadahon hamu paboa na porsaya hamu di Au.

HALUMBAAN 2:19

Huboto do sude pambaenanmunu dohot holong ni rohamunu dohot pangoloionmunu dohot haporsayaanmunu dohot pohom ni rohamunu. Na umbahat do pambaenanmunu na parpudi on sian na parjolo i.

HALUMBAAN 2:2

Huboto do sanga aha na nibaenmunu: Madung disitutui hamu karejo jana sobar sajo do hamu. Huboto do na so dilehen hamu rohamunu tu angka halak parjahat. Jana madung diuji hamu angka halak na mangoku dirina rasul, hape na so tutu do, gabe tardapot do halahi pargabus dibaen hamu.

HALUMBAAN 2:9

Huboto do hasusaanmunu; na pogos do hamu – tapi anggo satutuna na mora do hamu! Huboto do angka adu-aduan na nituhaskon ni angka na manggoari dirina halak Jahudi, hape nian nada tutu; parlagutan ni sibolis do halahi!

HALUMBAAN 3:1

“Tu surusuruan ni parlagutan na di Sardis, songon on suratkon: On ma barita sian na martondi na pitu na sian Debata dohot nampuna bintang na pitu i. Huboto do sanga aha na dung dikarejohon hamu. Nidok hamu na mangolu, hape na mate do!

HALUMBAAN 3:15

Huboto do sanga aha na dung dibaen hamu; nada ngali hamu jana nada milas. Sugari sura ngali ma ho nian; sanga na milas.

HALUMBAAN 3:8

Huboto do sanga aha na nibaenmunu. Haru so sadia pe gogomunu, tapi laing dioloi hamu do pangajaranKu jana unduk do hamu tu Au. Madung Hubuka sada pintu na godang di hamu na so tartutup sanga ise pe.