JOHANNES 1:49 - BIBEL JAMITA NA DENGGAN

⁴⁹ Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 1:49 ပူးပေါင်းရင်းမြစ်များ

MASMUR 110:1

Didok Tuhan do tu tuanku, “Juguk ma ho di siamunKu, lopus tu na Hubaen angka musumu gabe sidege-degean ni patmu.”

MASMUR 2:6

Ning Ia ma, “Di Sion, dolokKu na badia i madung Hupabangkit raja na Hupili i.”

JESAYA 9:7

Mur tu godangna do kuasonia, jana tongtong dame harajaannia. Ia ma raja na songon panggonti ni si Daud, marojakan tu hatigoran dohot hasintongan do harajaannia sian mulai saonnari lalu tu salolotna. Angkon tulus sudena i baenon ni Tuhan Na Markuaso i.

DANIEL 9:25

Boto jana astui ma on: Salpu ma pitu noli pitu pulu taon, mamungka sian na diparuar parenta laho mambangun Jerusalem mangulahi lopus tu haroro ni sada pamimpin na nitodo ni Debata. Pitu noli onom pulu dua taon honokna paulion ma mangulahi angka dalan dohot angka tembok ni Jerusalem, tapi gok hamaolon do hatiha i.

HOSEA 3:5

Tapi ro do i hatihana mulak bangso Israel tu Tuhan Debata ni halahi dohot tu raja ni halahi na sian pomparan ni si Daud. Jadi gabe mabiar ma halahi jana marhabiaran tu Tuhan boti jagiton ni halahi ma angka pasupasuNa.

MIKA 5:2

Hara ni i padiaronnia ma halahi lopus tubuan anak sada dadaboru na denggan hian pamatangna. Dung i pasadaonna ma mangulahi angka dongan sabangsona na adong di habuangan dohot bangso ni halahi.

ZEPANYA 3:15

Angke madung mantak Tuhan manguhumi hamu; ma pola dipaorot Ia sude musumunu. Tuhan raja ni Israel maringanan di tonga-tongamunu; nada mabiar be ho maradopkon hasusaan.

ZAKARIA 9:9

Ale boru Sion, marjop ni roha ma ho! Marolop-olop ma hamu ale pangisi ni Jerusalem! Ligi ma! Ro rajamu mardongan hamonangan! Raja na tigor do Ia na maroban haluaan. Na serep roha do Ia, jana mangalombut halode, sada halode jara-jara.

MATEUS 14:33

Gabe unduk ma angka anak siseanNia na di parau i marsomba tu Jesus. “Tutu do Anak Ni Debata Ho, Tuhan!” ninna halahi.

MATEUS 2:2

Disapai halahi ma, “Di dia do Dakdanak na sorang i, i ma na gabe Raja ni halak Jahudi i? Na hami ida do bintangNa bincar di sabola Habincaran, jadi na giot marsomba tuSia do umbaen na ro hami.”

MATEUS 21:5

“Dokkon ma tu boru Sion, Ligi ma, ma ro Rajamu manopot ho saonnari. Na serep roha do Ia, jana mangalombut halode, sada halode jara-jara.”

MATEUS 23:7

Na jopan roha ni halahi ditabi halak di poken, muda didok halak tu halahi ‘Gurunami’.

MATEUS 23:8

Tapi anggo hamu, indangkon sai ra hamu dipiohon halak ‘Gurunami’, angke hum sada do Gurumunu jana markahamaranggi do hamu sude.

MATEUS 27:11

Jongjong ma Jesus di adopan ni si Latus, gubernur ni luat i. Disapai si Latus ma, “Raja ni halak Jahudi dehe Ho?” “Olo, tutu ma songon na nidokmi,” ninna Jesus mangalusi.

MATEUS 27:42

“Halak na asing dipaluasa hape Ia sandiri so tarpaluasa! Raja Ni Israel ma Ia ning Ia, anggo mijur ma Ia saonnari sian silang i. Anso porsaya hami diSia.

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

MARKUS 15:32

Anggo na tutu ma Ia raja ni Israel, Kristus i, mijur ma Ia sugari sian i. Anso porsaya hami diSia!” Halak na diparsilangkon i pe rap dohot Jesus laing mangincahi do tuSia.

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 19:38

Jana didokkon halahi ma, “Dipasupasu ma Raja i na ro markite-hite goar ni Tuhan! Hasonangan ma di banua ginjang jana hamuliaon ma di inganan na gumincat i!”

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 1:34

Jadi madung tangkas huida Ia jana madung husaksihon, ‘On ma Anak Ni Debata’.”

JOHANNES 1:38

Manaili ma Jesus tu pudi, jadi diida Ia ma halahi na mangihutkon Ia. Ninna Jesus ma, “Manjalahi aha dehe hamu?” Ninna halahi ma mangalusi, “Rabbi, di dia dehe Ho maringanan?” (Rabbi, astuanna ‘Guru’.)

JOHANNES 1:50

Dung i didok Jesus ma, “Adong he hara ni na Hudok i, madung Huida ho dompak di toru ni bona ni hayu ara i dope ho umbaen na porsaya ho? Idaonmu dope angka pangalaho na gumodang sian i!”

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 4:31

Jadi laing di hatiha i, disuru angka siseanNia i ma anso mangan jolo Jesus, “Mangan ma jolo Rabbi,” ning halahi.