JOHANNES 1:42 - BIBEL JAMITA NA DENGGAN

⁴² Dung i ditaruhon si Andreas ma si Simon tu Jesus. Dipamanat Jesus ma si Simon, ning Ia ma, “Si Simon do ho, anak ni si Jona. Si Kepas noma goarmu.” (Kepas disaro Ibrani dos dohot Petrus disaro Junani astuanna: dolok batu.)

JOHANNES 1:42 ပူးပေါင်းရင်းမြစ်များ

2 RAJA-RAJA 5:4

Jadi dung tarbege tu si Naaman songon i, kehe ma ia mandapotkon raja i mancaritohon na nipaboa ni dakdanak i.

MATEUS 10:2

Angka on ma goar ni halahi na dua bolas i: Parjolo si Simon (na margoar muse si Petrus) dohot anggina si Andreas, dung i si Jakobus dohot anggina si Johannes, i ma anak ni si Zebedeus.

MARKUS 3:16

Angka on ma goar-goar ni halahi na dua bolas, na nitodo ni Jesus i: Si Simon (na nigoar ni Jesus si Petrus).

LUKAS 5:8

Dung diida si Simon songon i, marsomba ma ia di jolo ni Jesus mandok hata, “Ulang donok Ho tu au, Tuhan! Pardosa do au!” ning ia.

LUKAS 6:14

Si Simon (na nigoarannia muse si Petrus), dohot si Andreas anggi ni si Simon; si Jakobus dohot si Johannes, si Pilipus dohot si Bartolomeus,

JOHANNES 13:18

“Nada tu hamu sudena na Hudokkon on. Huboto do sanga ise na dung Hupili. Tapi angkon laing tarjadi do sanga aha na tarsurat di Buku Na Badia i; songon on do tarsurat disi, ‘Sanga ise na mangan rap dohot Au, i ma ibana na giot mangalo Au.’

JOHANNES 21:2

Lagut ma hatiha i si Simon Petrus dohot si Tomas na nigoaran muse si Linduat, dohot si Natanael halak Kana na di Galilea, songon i muse angka anak ni si Zebedeus rap dohot dua halak nari sisean ni Jesus na asing.

JOHANNES 4:16

“Kehe ma ho jolo mamiohon halaklahimu, dung i ro ma ho mangulahi tuson,” ninna Jesus.

1 KORINTUS 1:12

Na hudok disi, on do: Adong sian hamu na mandok, “Anggo au marpihak tu si Paulus do,” adong muse na mandok, “Au marpihak tu si Apollos do,” na asing mandok, “Au marpihak tu si Kepas do.” Na deba nari mandok, “Anggo au marpihak tu Kristus.”

1 KORINTUS 15:5

Jadi dipataridahon Ia ma diriNa tu si Kepas, dohot tu siseanNia na dua bolas i.

1 KORINTUS 3:22

Si Paulus, bope si Apollos, bope si Kepas, portibi on, hangoluan dohot hamatean, bope hatiha saonnari dohot hatiha na giot ro, hamu do nampuna i sasudena.

1 KORINTUS 9:5

Nada he adong do haknami marbagas jana mardongan dadaboru di pardalanannami; laing songon rasul na asing, sanga songon angka anggi ni Tuhan dohot si Kepas?

GALATIA 1:18

Tolu taon dung muba rohangku baru ma anso manangkok au tu Jerusalem anso marsitandaan dohot si Petrus. Lima bolas ari rap hami disi.

GALATIA 2:11

Tapi sanoli dompak na ro si Petrus tu Antiokia, hualo do ia dohot tangkas, hara ni na sala pangalahonia.

GALATIA 2:9

Si Jakobus pe, si Petrus, si Johannes, na gabe songon partunggul di parlagutan i, dioku halahi do na dung dilehen Debata do tu au hak na sada on. Dung i dijalang halahi do si Barnabas dohot au songon tanda ni parale-aleonnami. Jadi satahi ma halahi dohot hami, di tonga-tonga ni angka bangso na so Jahudi ma hami markarejo, jana halahi ma markarejo di tonga-tonga ni halak Jahudi.