JOHANNES 1:34 - BIBEL JAMITA NA DENGGAN

³⁴ Jadi madung tangkas huida Ia jana madung husaksihon, ‘On ma Anak Ni Debata’.”

JOHANNES 1:34 ပူးပေါင်းရင်းမြစ်များ

MASMUR 2:7

Didok Tuhan i, “Hupabotohon pe sanga aha na nitotopkon ni Tuhan. Ning Ia do tu au, ‘AnakKu do ho, sadari on ma Au gabe Amangmu.

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

MATEUS 16:16

Mangalusi ma si Simon Petrus, “Ho ma ibana Kristus, Anak Ni Debata Na Mangolu i.”

MATEUS 17:5

Dompak na mandok hata i si Petrus, dihaliangi ombun na torang situtu ma halahi. Dung i adong ma sada sora sian ombun i na mandok, “On ma AnakKu na Huhaholongi, na pasonangkon rohangKu. Tangihon hamu ma Ia!”

MATEUS 26:63

Tapi sip sajo do Jesus. Dung i diulahi Malim Godang i ma mandok hata tuSia, “Saonnari mangasahon Debata na mangolu i hupangido tu Ho sumpahon ma tu hami, tutu do Ho Anak Ni Debata Kristus i?”

MATEUS 27:40

Ninna halahi ma, “Heh! Ho ma na giot mangarumpakkon Bagas Ni Debata, giot pajongjongonMu ma i di bagasan tolu ari! Muda na tutu ma Ho Anak Ni Debata, antong palua ma diriMu sandiri! Mijur ma Ho sian silang i!”

MATEUS 27:43

Dihaposi Ia do Debata, antong i ma paluahon Ia nuaeng muda na jop do roha ni Debata tuSia! Angke didok Ia do: Anak Ni Debata do Au.”

MATEUS 27:54

Mabiar ma komandan i rap dohot angka parajurit i na manjagoi Jesus dung diida halahi lalo i dohot sude na masa i. Didok halahi ma, “Tutu do Ia on Anak Ni Debata!”

MATEUS 3:17

Dung i tarbege ma sora sian langit na mandok, “On do AnakKu Na Huhaholongi, jop do rohangKu mida Ia.”

MATEUS 4:3

Ro ma Sibolis i didok ma tuSia, “Muda Anak Ni Debata do Ho, dokkon ma tu angka batu on anso gabe roti.”

MATEUS 4:6

Dung i didok Sibolis i ma tuSia, “Muda na tutu ma Ho Anak Ni Debata, ambur ma tu toru, harana angke adong do tarsurat songon on, ‘Suruon ni Debata ma angka surusuruanNia manjago Ho, tarehonon ni halahi ma tanganna manjagit Ho ulang tombom patMu tu batu.’ ”

MATEUS 8:29

Jadi marsurak ma halahi na dua ninna halahi ma, “O, Anak Ni Debata, na giot bia do baenonMu hami? Betak na giot siksaonMu ma hami? Na he nada dope dapot hatihana?”

MARKUS 1:1

Songon on do Jamita Na Denggan taringot tu Jesus Kristus, Anak Ni Debata.

MARKUS 1:11

Dung i tarbege ma sada sora sian langit mandok, “Ho do Anak haholongan ni rohangKu. Tu Ho ma Jop ni rohangKu.”

LUKAS 1:35

Dialusi surusuruan i ma, “Tondi Parbadia do mangarajai ho jana kuaso ni Debata ma manggohi ho. Hara ni i ma da umbaen nigoaran Dakdanak i na Badia i, Anak Ni Debata.

LUKAS 3:22

jadi mijur ma Tondi Parbadia tuSia songon darapati. Dung i tarbege ma sora sian banua ginjang na mandok, “Ho do Anak haholonganKu. Jop do rohangKu mida Ho.”

JOHANNES 1:18

Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 1:49

Didok si Natanael ma, “Rabbi, Anak Ni Debata do Ho! Ho do Raja ni halak Israel!”

JOHANNES 10:30

Sada do Au dohot Damang.”

JOHANNES 10:36

biasi didok hamu na mangincahi Debata hara ni na Hudok Au Anak Ni Debata? Hape nian na diparbadiai ni Ama i do Au jana na nisuruNia tu portibi on?

JOHANNES 11:27

Dialusi si Marta ma, “Olo Tuhan, porsaya do au Kristus i do Ho, Anak Ni Debata na ro tu portibi on.”

JOHANNES 19:7

Dialusi halak Jahudi i ma, “Mangihutkon tona na adong di hami simatehononkon do i, angke dioku Ia diriNia Anak Ni Debata.”

JOHANNES 20:28

Dung i ninna si Tomas ma tu Jesus, “O Tuhanku! Debatangku!”

JOHANNES 20:31

Umbaen na nisurat pe sudena na tarsurat di bagasan buku on, anso porsaya do hamu bahaso Jesus do Kristus i, i ma Anak Ni Debata; jana anso dapotan hangoluan hamu markite-hite haporsayaan di goarNia.

JOHANNES 6:69

Porsaya do hami jana marpos ni roha, Ho do Na Badia na ro sian Debata.”

SURAT NI SI PAULUS TU PARLAGUTAN ROM 1:4

tapi mangihutkon hadebataon tangkas do ia Anak Ni Debata na gok hagogoan. Tanda sajo do i botoon markite-hite hangongotNia sian na mate i.

2 KORINTUS 1:19

Harana anggo Jesus Kristus, Anak Ni Debata na nijamitahon ni si Silvanus, si Timoteus dohot au sandiri tu hamu nada halak na “Olo” sanga “Inda”. Hum alus na “Olo” sajo do diSia.

IBRANI 7:3

Na so marama, na so marina do ia, na so martarombo, na so marmula ni ari, jana na so marujung di ngoluna, tapi sobok do ia dohot Anak Ni Debata. Na gabe malim do ia ro di salolot ni salolotna.

1 JOHANNES 2:23

Barang ise na mangoku Anak i, disia muse do Ama i.

1 JOHANNES 3:8

Tapi sanga ise halak na sai torus mambaen dosa, anak ni Sibolis do i, angke na sai mardosa do Sibolis i sian mula ni mulana. Na giot manyegohon karejo ni Sibolis i do umbaen na ro Anak Ni Debata tu portibi on.

1 JOHANNES 4:9

Dipataridahon Debata do holong ni rohaNia tu hita di na nisurunia AnakNia na sasada i tu portibi on anso tarbaen hita mangolu markite-hite AnakNia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.

2 JOHANNES 1:9

Sanga ise na so maringan di pangajaran ni Kristus i, tapi na kehe manyimbil sian na niajarkon ni Kristus, nada marsada halak na songon i dohot Debata. Halak na sai tongtong di bagasan pangajaran ni Kristus, astuanna na marsada do ia tongtong tu Ama i dohot tu Anak i muse.

HALUMBAAN 2:18

“Tu surusuruan ni parlagutan na di Tiatira songon on ma suratkon: On ma barita na sian Anak Ni Debata, na marnyala-nyala i mataNa songon api, dohot patNa na margurasa i songon tumbaga na marlinu.