JOHANNES 1:31 - BIBEL JAMITA NA DENGGAN

³¹ Nada hutanda hian sanga na ise Ia, tapi hara ni i do umbaen na ro au mandidihon dohot aek anso ditanda halak Israel Ia.”

JOHANNES 1:31 ပူးပေါင်းရင်းမြစ်များ

MALEAKI 3:1

Dialusi Tuhan Na Markuaso i ma, “SuruonKu ma utusanKu laho paradehon dalan di Au. Jadi ompot ma ro Au, Tuhan na nijalahanmunu ro tu bagasan BagasKi. Ro ma i utusanKu na nihalungunkonmunu i jana pabotohononna ma parjanjianKi.”

MATEUS 3:13

Jadi di hatiha i ro ma Jesus sian Galilea tu Batang aek Jordan mandapotkon si Johannes, anso dididihon si Johannes Ia.

MATEUS 3:6

Dioku halahi ma angka dosa ni halahi, gabe dididihon si Johannes ma halahi di Batang aek Jordan i.

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

JOHANNES 1:30

Ia ma na hudokkon i na umpudi ro ulang au, tapi na gumodang dope Ia sian au; angke na dung adong hian do Ia dompak so sorang dope au.

JOHANNES 1:32

Songon on ma hasaksian na nilehen ni si Johannes taringot tuSia, “Huida ma Tondi i mijur songon darapati sian langit lalu songgop tuSia.

JOHANNES 1:33

Nada hutanda hian dope Ia. Tapi Debata na marsuru au mandidihon dohot aek i mandok tu au, ‘Muda diida ho Tondi Parbadia mijur tu sada halak jana maringanan di bagasan Ia, Ia ma na giot mandidihon dohot Tondi Parbadia.’

JOHANNES 1:7

Na manyaksihon taringot tu na torang i do na niharohonnia, anso sudena halak porsaya.

BAENON NI ANGKA RASUL 19:4

Dung i didok si Paulus ma, “Anggo si Johannes mandidihon halak laho patandahon na dung muba do roha ni angka jolma i sian dosana be. Tapi laing dipaboa si Johannes do tu halak Israel, angkon porsaya dope halahi tu Sahalak na umpudi ro ulang ia, i ma Jesus,” ning ia.