JOHANNES 1:29 - BIBEL JAMITA NA DENGGAN

²⁹ Ancogotna i diida si Johannes ma ro Jesus mandapotkon ia. Didok si Johannes ma, “Ligi ma! Indi ma ibana Anak Ni Biri-biri Ni Debata na manyesa dosa ni portibi on!

JOHANNES 1:29 ပူးပေါင်းရင်းမြစ်များ

HARURUAR 28:38

Angkon pasangon ni si Harun do parhiasan sere i di bohinia anso ra Au Tuhan manjagit sude haul na nioban ni halak Israel tu Au, haru pe umpamana madung adong saotik na sala dibaen halahi.

JESAYA 53:10

Tapi hagiot ni Tuhan do manaon na hancit ia, jana mate songon haul panyesa ni dosa. Idaonnia do pomparannia jana ginjang umurnia tulus ma hagiot ni Tuhan markite-hite ia.

JESAYA 53:11

Dung abis hasusaannia idaonnia ma na torang jana puas ma pangkilalaanna. Tigor do parrohaon ni naposongKi, jana bahat do halak gabe tigor hara ni ia, ampe tusia do uhuman na tu halahi.

JESAYA 53:7

Kejam do dibaen tusia, tapi sip sajo do ia manaonsa, songon anak ni biri-biri na nioban tu panyambolan, jana songon induk ni biri-biri na maoto hohom maradopkon halak na manggusting imbuluna.

HOSEA 14:2

Mulak ma hamu tu Tuhan Debatamunu, ale bangso Israel! Dosamunu do mambaen hamu tarsilandit lalu tinggang.

HAMALIMON 10:17

“Biasi nada dipangan hamu haul hasesaan ni dosa i di sada inganan na badia? Na badia do haul i, madung dilehen Tuhan do i di hamu, anso disesa sude dosa ni halak Israel.

ZAKARIA 13:1

“Di ari i marbuldak ma sada mual ni aek laho paiaskon pomparan ni si Daud dohot halak na maringanan di Jerusalem sian dosa dohot parsombaan tu gana-ganaan na dung didalankon halahi.

BILANGAN 18:1

Didok Tuhan ma tu si Harun, “Ho Harun, dohot angka anakmi, bope angka halak Levi angkon tanggungonmunu do patunda ni angka hasalaan barang aha pe na mardomu dohot panghobasion di Bandar ParmiananKu tapi hum ho dohot anakmu sajo do na mananggung patunda ni karejo hamalimon.

BILANGAN 18:23

Mamungka saonnari, hum halak Levi do na tola mangurus Bandar ParmiananKu, bope mamorsan tanggung jawab na gok hara ni karejo i. Aturan i mardalan do i tu pomparanmu ro di salolotna. Nada adong siteanon ni halak Levi di Israel,

BILANGAN 21:9

Dibaen si Musa ma ulok sian tumbaga jana dibaen ia tu ujung ni sada tiang. Ganop halak na nipagut ni ulok i, gabe malum muda diligi ia tu ulok tumbaga i.

MATEUS 1:21

Sorang ma sian ia sada anak halaklahi, angkon Jesus do baenonmu goar ni Dakdanak i. Harana, giot paluaonNia ma bangsoNa sian angka dosa ni halahi be.”

MATEUS 20:28

Sarupa dohot Anak Ni Jolma i muse; nada na giot paolo-oloan umbaen na ro Ia, tapi na giot mangoloi do, jana dilehen Ia dope hosaNia laho paluahon bahat halak.”

JOHANNES 1:35

Ancogotna i laing jongjong ma disi si Johannes rap dohot siseannia dua halak.

JOHANNES 1:36

Dung diida ia Jesus mamolus disi, ning ia ma, “Ligi ma, Anak Ni Biri-biri Ni Debata!”

JOHANNES 1:43

Ancogotna i ditontuhon Jesus ma anso kehe Ia tu Galilea. Marsuo ma Ia dohot si Pilipus, dung i ning Ia ma tu si Pilipus, “Beta, ihutkon ma Au!” (

JOHANNES 2:1

Dung dua ari, adong ma pesta ni na marbagas di kota Kana na di Galilea. Ro do tusi inang ni Jesus,

JOHANNES 3:16

Angke songon i ma holong ni roha ni Debata di portibi on jabat dilehen Ia AnakNia na sasada i anso sude halak na porsaya tuSia nada mago, tapi maruli di ngolu na manongtong.

JOHANNES 4:42

Didok halahi ma tu anak boru i, “Saonnari madung porsaya hami, nada hara ni angka na nipaboami be tu hami, tapi hara ni na dung hami bege sandiri sian Ia, jana madung hami boto tutu do Ia Sipalua ni portibi on.”

JOHANNES 6:51

Au do roti na mijur sian banua ginjang i, i ma sipanganon na mangalehen hangoluan. Halak na mangankon sipanganon on, mangolu ma salolot-lolotna. Anggo sipanganon na giot lehenonKi, i ma pamatangKu. LehenonKu ma pamatangKon anso mangolu portibi on.”

BAENON NI ANGKA RASUL 13:39

jana nipatigor do ganup halak na porsaya diSia. Nada tarpalua hamu markite-hite tona ni si Musa.

BAENON NI ANGKA RASUL 8:32

On ma ayat na nisisenia i, “Songon biri-biri na niiring tu panyambolan do Ia, songon anak ni biri-biri na hohom di na nigusting imbuluna, songon i ma Ia umpe sangkababa hata didok Ia.

1 KORINTUS 15:3

Harana madung hupasahat tu hamu na umporlu, i ma sian na dung hujagit, na dung mate do Kristus hara ni angka dosanta mangihutkon na tarsurat di Buku Na Badia i.

2 KORINTUS 5:21

Nada mardosa Kristus i, hape gabe dosa do Ia dibaen Debata jana dipaporsankon do tuSia dosanta i, anso tajagit hatigoran ni Debata hara ni hasadaonta dohot Kristus i.

GALATIA 1:4

na dung mangalehen diriNa hara ni dosanta, laho paluahon hita sian hajahatan saonnari, mangihutkon hagiot ni Debata Amanta i.

GALATIA 3:13

Madung ditobus Kristus hita sian bura ni Tona i, markite-hite na gabe bura hara ni hita, angke tarsurat do, “Na hona bura do sanga ise na hona gantung di hayu parsilang.”

1 TIMOTEUS 2:6

Madung dipasahat Ia diriNia gabe partobus humopkop sudena, anso disaksihon di hatiha na nitontuhon Debata.

TITUS 2:14

Madung dihaulkon Ia diriNia hara ni hita laho paluahon hita sian hajahatan sudena, jana dibaen Ia hita gabe bangso hapunjunganNia, jana na ringgas mambaen na denggan.

IBRANI 1:3

Ia do sinondang hasangapan ni Debata, jana Ia do gambaran ni Debata sandiri dohot na mangasahon sasude markite-hite hataNia na gok kuaso. Dung sidung dipaias Ia jolma sian angka dosa ni halahi, juguk ma Ia di siamun ni Na Sun Margogo i di banua ginjang.

IBRANI 2:17

Jadi astuanna, angkon sarupa do Ia dohot halahi di sude pangalaho. Jadi dung songon i tarbaen Ia ma diriNia gabe Malim Godang ni halahi, na burju jana na maribo ni roha di na nioloanNia Debata laho manyesa angka dosa ni halahi.

IBRANI 9:28

Laing songon i do Kristus i, hum sanoli sajo do Ia nihaulkon songon haul laho manyesa dosa ni bahat halak. Ro dope Ia nian paduanolihon tapi nada mamorsan dosa be; na giot paluahon angka jolma na paintehon haroroNia noma.

1 PETRUS 1:19

tapi na lobi arga do dibaen; i ma diri ni Kristus sandiri, na gabe songon biri-biri na nihaulkon tu Debata na so martihas sanga marhahurangan.

1 PETRUS 2:24

Kristus sandiri do mamorsan angka dosanta i di pamatangNia sandiri di ginjang ni hayu parsilang i, anso tola hita malua sian kuaso ni dosa jana tola hita mangihutkon hagiot ni Debata. Angke bugang ni Kristus i do na paluahon hamu.

1 PETRUS 3:18

Angke sanoli sajo do mate Kristus hara ni dosanta ro di salolot-lolotna – i ma sada halak na so marsala, na mate humopkop halak parsala, anso tartogu Ia hamu mandapotkon Debata. Nibunu do Ia mangihutkon sibuk tapi nipangolu mangulahi mangihutkon tondi.

1 JOHANNES 2:2

Markite-hite Jesus Kristus do dapot hita hasesaan ni angka dosanta i. Jana nada hum dosanta na nisesaNia, tapi dohot do dosa ni sandok tano on.

1 JOHANNES 3:5

Diboto hamu do sanga hara ni aha umbaen na ro Kristus, i ma na laho manyesa angka dosa ni jolma jana nada adong dosa di bagasan Ia.

1 JOHANNES 4:10

On do holong ni roha i: Nada hita parjolo mangkaholongi Debata tapi Debata do na mangkaholongi hita jana na marsuru AnakNia tu portibi on anso dapotan pardengganan hita taringot tu angka dosanta.

HALUMBAAN 1:5

dohot sian Jesus Kristus saksi na bonar roha i. Ia do na parjolo dipangolu mangulahi sian hamatean jana Ia muse ma parkuaso di ginjang ni angka raja na di tano on. Dihaholongi Jesus do hita jana hara ni hamateanNia i dipalua Ia do hita sian angka dosanta.

HALUMBAAN 12:11

Madung ditaluhon angka donganta i ia dohot mudar ni Anak Ni Biri-biri i bope dohot hasaksian ni halahi. Angke nada dihaholongi halahi hosa ni halahi lopus tu hamatean.

HALUMBAAN 13:8

Sombaon ni sude jolma na mangolu di ginjang tano on ma binatang i, i ma angka halak na so tarsurat goarna di buku hangoluan ni Anak Ni Biri-biri na dung disambol i, mamungka sian panompaon ni portibi on.

HALUMBAAN 14:1

Dung i hupamanat ma, jadi tarida ma Anak Ni Biri-biri i jongjong di Dolok Sion. Adong do 144.000 halak na rap dohot Ia, tarsurat do di bohi ni halahi sude goar ni Anak Ni Biri-biri i dohot goar ni AmangNia.

HALUMBAAN 14:10

painumon ma tu halahi anggur na badia, i ma anggur haririmasNia na niusehonNia tu ingananna, na so niurahan saotik pe! Hona parkancitan ma halahi di bagasan api dohot barerang di jolo ni angka surusuruan ni Debata dohot di jolo ni Anak Ni Biri-biri i.

HALUMBAAN 14:4

Angka halak na manjagohon dirina do halahi, jana nada dipahodar halahi diri ni halahi markite-hite dadaboru; ias do halahi songon bujing-bujing. Dipaihut-ihut halahi do Anak Ni Biri-biri i sanga na tudia Ia kehe. Sian sudena jolma manusia, halahi ma na dung nipalua anso haulkononkon songon patumonaan ni haul tu Debata dohot tu Anak Ni Biri-biri i.

HALUMBAAN 15:3

Jana diendehon halahi ma ende ni si Musa, naposo ni Debata i dohot ende ni Anak Ni Biri-biri i. Songon on ma ende ni halahi i, “Na godang jana hahomangan do angka pambaenanMu ale Tuhan, Debata Parkuaso Na Sumurung. Na tigor jana na sintong do sude dalanMu, ale Raja ni sude bangso.

HALUMBAAN 17:14

Na giot marporang do halahi mangalo Anak Ni Biri-biri i. Tapi taluhonon ni Anak Ni Biri-biri i ma halahi, angke Ia do Tuhan ni angka tuan jana Raja ni angka raja. Dung i monang ma na rap dohot Ia, i ma angka na nipiohon dohot na nipili dohot na setia.”

HALUMBAAN 19:7

Beta ma marjop ni roha hita jana marmoga-moga; jana tapasangap ma Ia! Angke madung dapot arina marbagas Anak Ni Biri-biri i jana boru i pe madung singkop na giot marbagas i.

HALUMBAAN 19:9

Dung i didok ia ma tu au, “Suratkon ma on: ‘Martua do sanga ise halak na dung niontang tu pesta parbagason ni Anak Ni Biri-biri i.’ ” Dung i didok surusuruan i muse dope tambana, “On ma angka hata na sintong na sian Debata.”

HALUMBAAN 21:14

Di ginjang ni dua bolas batu ojahan do dipajongjong tembok ni kota i. Tarsurat do angka goar ni rasul ni Anak Ni Biri-biri i, i ma sidua bolas halak i di angka batu ojahan i.

HALUMBAAN 21:27

Tapi sanga ise halak na mangkarejohon angka pangalaho sihailahononkon, dohot angka pargabus, nada dipatola masuk tu bagasan – pendekna sandok na hodar, nada tola dioban masuk tu bagasan. Anggo na dipatola masuk tu bagasan, hum angka halak na tarsurat do goarna di bagasan buku hangoluan ni Anak Ni Biri-biri i.

HALUMBAAN 21:9

Ro ma tu au sahalak sian surusuruan na pitu i na maniop angka sambong na bubung marisi bala na parpudi i, ning ia ma tu au, “Beta anso hupatidahon tu ho dadaboru ni Anak Ni Biribiri i, i ma boru sipabagason i.”

HALUMBAAN 5:6

Dung i huida ma sada Anak Ni Biri-biri jongjong di tonga-tonga ni habangsa i, dihaliangi mahluk na mangolu siopat-opat i dohot sude angka pangituai i. Songon na dung hona sambol do idaon Anak Ni Biri-biri i. Pitu tandukna jana pitu dohot matana: i ma tondi na pitu na sian Debata na nisuruNa tu sude portibi on.

HALUMBAAN 5:8

Jadi taran songon i dope, manungkap ma mahluk na opat i dohot pangituai sidua pulu opat halak i di joloNia. Marsitiop hasapina do pangituai na dua pulu opat halak i dohot mangkuk sere na marisi hamonyan, i ma angka tangiang ni halak na badia.

HALUMBAAN 6:1

Dung i huida ma dibuka Anak Ni Biri-biri i cap na parjolo sian angka cap na pitu i. Dung i hubege ma sada sian mahluk na opat i mandok, “Ro ma ho!” ning ia. Songon sora ni ronggur noma begeon sorana i.

HALUMBAAN 6:16

Marsurak ma halahi tu angka dolok i dohot tu angka batu i, “Dondoni ma hami! Linggomi ma hami anso ulang hami ida bohi ni na juguk di habangsa i jana ulang hona muruk hami dibaen Anak Ni Biri-biri i!

HALUMBAAN 7:14

Jadi hualusi ma, “Tuanku, ho do na umbotosa.” Dung i didok ia ma tu au, “Halak on ma angka na malua sian hasusaan na godang i. Madung dibasu halahi baju juba ni halahi jana bontar dibaen mudar ni Anak Ni Biri-biri i.

HALUMBAAN 7:17

angke Anak Ni Biri-biri na di tonga-tonga ni habangsa i noma na marmahani halahi. ToguonNia ma halahi tu mual ni aek haroroan ni hangoluan. Jana apusan ni Debata ma sude ilu-ilu sian mata ni halahi.”