JOHANNES 1:25 - BIBEL JAMITA NA DENGGAN

²⁵ Disapai halahi ma tu si Johannes, “Anggo so ho do Kristus i, nada si Elia ho, nada panurirang na indohan muse ho, biasi dipandidihon ho halak?”

JOHANNES 1:25 ပူးပေါင်းရင်းမြစ်များ

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

MATEUS 21:23

Dung i mangulahi ma Jesus tu Bagas Ni Debata. Masuk ma Ia mangajari disi. Jadi hatiha na mangajar i Ia, marroan ma angka kapala-kapala ni malim dohot angka na tobang-tobang ni halak Jahudi manyapai tuSia, “Marhite kuaso dia do dipambaeni Ho sudena on? Ise do na mangalehen kuaso i tu Ho?”

MATEUS 3:6

Dioku halahi ma angka dosa ni halahi, gabe dididihon si Johannes ma halahi di Batang aek Jordan i.

JOHANNES 1:24

Na nisuru ni halak Parise do angka na manyapai i.

BAENON NI ANGKA RASUL 5:28

Ning ia ma, “Nada he hami antahi do hamu, anso ulang be diajarkon hamu taringot tu Goar i. Tapi ligi hamunu ma sanga aha na dung nibaenmunu i! Madung digohi hamu Jerusalem on sude dohot pangajaranmunu, jana giot paporsankononmunu ma mudar ni Bayo i tu hami.”

PANGARATAION 18:15

Tapi suruonNia ma tu hamu sian bangsomunu sandiri sada halak panurirang songon au on jana angkon oloanmunu do panurirang i.

PANGARATAION 18:18

SuruonKu ma tu halahi sian bangso ni halahi sandiri sada halak panurirang, songon ho, Musa. DokkononKu ma tusia sanga aha dokkononnia, jana palaluonnia ma tu bangso i sandok na Huparentahon.