JOHANNES 1:21 - BIBEL JAMITA NA DENGGAN

²¹ “Anggo songon i, ise dehe ho satutuna?” ninna halahi manyapai. “Sanga si Elia dehe ho?” “Nada,” ning si Johannes mangalusi. “Betak na ho do panurirang na indohan?” ning halahi manyapai. “Nada,” ning ia.

JOHANNES 1:21 ပူးပေါင်းရင်းမြစ်များ

MALEAKI 4:5

Ligi ma suruonKu ma tu hamu Panurirang Elia, patujolo ni ari ni Tuhan Na Markuaso jana na godang i.

MATEUS 11:14

Jadi muda giot porsaya do hamu di sude barita ni halahi i, angkon botoonmunu do, ia ma si Elia na giot ro i.

MATEUS 16:14

Dialusi halahi ma, “Adong na mandok, si Johannes Pandidi. Deba mandok si Elia. Na asing mandok, si Jeremia sanga sahalak sian angka panurirang i.”

MATEUS 21:11

“On ma ibana panurirang Jesus na sian Nasaret na di Galilea,” ninna angka na mangudurkon Jesus.

LUKAS 1:17

Angkon gabe suruan ni Debata do ia, na gogo jana markuaso songon si Elia. Padameonnia ma ama tu anakna, toguonnia ma halak na so pangoloi anso mulak tu dalan na sintong. Dibaen ia pe sudena i, na laho paradehon sada bangso do na dung singkop di Tuhan i.”

JOHANNES 1:22

Dung i ninna halahi ma tusia, “Ise dehe ho?” Harana angkon adong do alus lehenonnami tu angka na marsuru hami tuson. “Aha do dokkononmu taringot tu dirimu sandiri?”

JOHANNES 1:25

Disapai halahi ma tu si Johannes, “Anggo so ho do Kristus i, nada si Elia ho, nada panurirang na indohan muse ho, biasi dipandidihon ho halak?”

JOHANNES 6:14

Dung diida halak na bahat i hahomangan na nibaen ni Jesus i, ninna halahi ma, “On ma tutu panurirang na giot ro i tu tano on!”

JOHANNES 7:40

Bahat do halak na manangihon sanga aha na nidok ni Jesus. Jadi adong do sian halahi na mandok, “Na tutu do Ia panurirang!”