JOHANNES 1:18 - BIBEL JAMITA NA DENGGAN

¹⁸ Nada adong halak na unjung marnida Debata, asing sian Anak Sasada ni AmaNa, na diampuan ni Ama i, jana Ia do na papatarkonsa tu hita.

JOHANNES 1:18 ပူးပေါင်းရင်းမြစ်များ

PAMUNGKAAN 16:13

Sapa-sapa ma si Hagar di bagasan rohania, “Tutu do ulaning huida Debata na mamparrohahon au?” Jadi gabe digoari ia ma Tuhan na mandok hata i tusia, “Debata Na Mamparrohahon”.

PAMUNGKAAN 18:33

Dung sidung manghobari dohot si Abraham kehe ma Tuhan jana mulak ma si Abraham tu bagasnia.

HARURUAR 23:21

Matahon hamu ma tusia jana oloi hamu. Ulang mangalo hamu tusia angke na Huutus do ia, jana indangkan na ra ia mangampuni halak na mangalanggar songon i.

HARURUAR 24:10

disi ma diida halahi Debata ni halak Israel i. Sidegean ni patNa i tarsongon lante na sian batu nilam, rata langit idaon.

PODA 8:30

Di lambungNia do au songon anak hasian, ganup ari do au mambaen jop ni rohaNa jana tongtong marmayami di adopanNia.

JESAYA 40:11

Songon parmahan, disarihon Ia do na niparmahanNia, jana dipalagut Ia angka anak ni biri-biriNia; diabing Ia do halahi di tanganNia, lambok do ditogu Ia induk ni biri-biriNia.

ANDUNG 2:12

Martangisan halahi mangido panganon tu inangna. Songon halak na margasa halahi, tinggang noma lalu mate di ampuan ni inangna.

BILANGAN 12:8

Jadi mangkatai Au dohot ia paadop-adop bohi be, tangkas nada markuling-kulingan. Salang tompangKu pe madung diida ia! Biasi puluk dope hamu mangalo ia?”

MATEUS 11:27

“Madung dipasahat Damang do tu Au, sandok na adong. Nada adong na mananda Anak i asing sian Damang. Nada adong muse na mananda Ama i asing sian Anak i, dohot tu halak na ra Jesus papatarkonsa.”

LUKAS 10:22

“Madung dipasahat Damang do sudena tu Au. Jana umpe adong sahalak na mananda Anak i, hum Damang do na manandasa. Songon i muse ma, nada adong na mananda sanga ise Ama i, hum Anak i do na manandaSa; dohot halak na gabe lomo ni roha ni Anak i laho patandahon Damang tu halahi.”

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 12:41

Songon i do didok si Jesaya, harana madung diida ia hasangapanNia jana na mangkobari ia taringot tuSia.

JOHANNES 13:23

Tapi adong ma sahalak sisean haholongan ni roha ni Jesus juguk di lambungNia.

JOHANNES 14:9

Tapi dialusi Jesus ma, “Sai honok ma Au dung rap dohot hamu sudena, hape laing na so ditanda ho dope Au Pilipus? Sanga ise na marnida Au, madung diida Ia muse Ama i. Biasi dope didokkon ho, ‘Patuduhon ma tu hami Ama i’?

JOHANNES 17:26

Madung Hupabotohon Damang tu halahi; jana sai pupuonKu do mambaen songon i, anso laing dihilala halahi muse holong ni roha ni Damang tu Au jana Au pe sada ma dohot halahi.”

JOHANNES 17:6

Madung Hupatorang Ho Amang tu angka jolma na sian portibi on, i ma na dung nipasahatMu tu Au. Ho do Amang nampuna halahi; jana madung dipasahat Ho halahi tu Au. Madung diihutkon halahi hata na nilehenMi.

JOHANNES 3:11

Tutu do na Hudok di ho: Na hami boto do na hami hatahon, jana na hami ida do na hami patorang; hape nada ra hamu manjagit na hami dok.

JOHANNES 6:46

Nada na mandok na dung adong halak unjung mida Damang i. Anggo na dung unjung mida Damang, hum na ro sian Damang i do. Sasada Ia sajo ma i!”

2 KORINTUS 4:4

Na nigupgupan ni Debata na mangarajai portibi on do roha ni halahi na so porsaya i. I do na manyundati halahi anso ulang dohot halahi marnida sinondang na sian Jamita Na Denggan i, i ma taringot tu hasangapan ni Kristus i na gabe songon gambaran ni Debata.

PANGARATAION 4:12

Baritahon hamu ma tu halahi songon dia pangkuling ni Tuhan tu hamu sian api i, songon dia pambegemunu di soraNa i, tapi umpe haidaan sanga na songon dia pe rupana.

KOLOSSE 1:15

Ia do gambaran ni Debata na so tarida, siangkaan ni sude na nitompa i.

1 TIMOTEUS 1:17

Debata do Raja ni sude hatiha, patut nipasangap jana pujion tongtong, angke Ia do na manongtong, na so tarida jana sasadaSa! Amen.

1 TIMOTEUS 6:16

Hum Ia sajo do na so tarkuasoi hamatean; di bagasan sinondang na so hadonohan sanga ise pe. Nada adong sahalak jolma pe na jungada marnida Ia, sanga na tarbaen marnida Ia. Angkon lehenon ma nian tuSia sangap dohot kuaso salolot-lolotna! Amen.

JOSUA 5:13

Jadi dompak di lambung ni Jeriko si Josua, ompot ma diida ia sada bayo na jongjong di jolonia manyintak podang. Didapotkon si Josua ma bayo i lalu disapai ia, “Dongan dehe ho sanga na alo?”

1 JOHANNES 4:12

Sahalak pe nada adong na jungada mida Debata, tapi maringanan do Debata di bagasan hita jana gabe sanggam do holong ni rohaNia di bagasan hita muda marsihaholongan hita sama hita.

1 JOHANNES 4:20

Muda adong na mandok, “Huhaholongi do Debata,” hape hosom rohania mida dongannia, pargabus do halak na songon i. Angke sanga ise na so mangkaholongi dongan na bolas idaonnia, nada tarbaen ia be mangkaholongi Debata na so jungada diida ia.

1 JOHANNES 4:9

Dipataridahon Debata do holong ni rohaNia tu hita di na nisurunia AnakNia na sasada i tu portibi on anso tarbaen hita mangolu markite-hite AnakNia.

1 JOHANNES 5:20

Taboto do na dung ro Anak Ni Debata tu portibi on. Madung dilehen Ia tu hita pangastuion, anso tatanda Debata na sintong i; jana na maringanan do hita di bagasan Na Sintong i, i ma di bagasan AnakNia Jesus Kristus. On do Debata na sintong, jana on do ngolu na manongtong.