JOHANNES 1:17 - BIBEL JAMITA NA DENGGAN

¹⁷ Dibaen dilehen do Tona i markite-hite si Musa tapi anggo asi ni roha dohot hasintongan markite-hite Jesus Kristus do.

JOHANNES 1:17 ပူးပေါင်းရင်းမြစ်များ

PAMUNGKAAN 22:18

Pangidoan ni sude bangso na di tano on ma tu Au anso Hupasupasu halahi – hara ni na nioloanmu parentangKu.”

PAMUNGKAAN 3:15

Marsihosoman ma ho dohot dadaboru i. Marsalisi ma torus pomparanna tu pomparanmu. Ropukkonon ni pomparannia ma ulumu jana turbingonmu ma tambihulna.”

MASMUR 85:10

Marsuo ma da holong dohot habonaran dame dohot hatigoran marsihaolan.

MASMUR 98:3

Ditiop Ia do janjiNia tu Israel, bangsoNa i, dibaen sai holong do rohaNia jana setia tu halahi. Sude bangso di portibi madung marnida haluaan na sian Debatanta.

MIKA 7:20

PatuduhononMu ma tu bangsoMu pomparan ni si Abraham dohot si Jakob habonaranMu dohot holong ni rohaMu na so marparsuhatan i songon na nijanjihonMu tu ompunami narobi.

JOHANNES 1:14

Jadi madung gabe sibuk do Hata i, jana maringanan di tonga-tonganta, madung taida hamuliaonNia. Songon hamuliaon ni Anak Sasada na sian Ama i, na gok asi ni roha dohot hasintongan.

JOHANNES 14:6

Ninna Jesus ma mangalusi, “Au do dalan i dohot hasintongan dohot hangoluan. Nada adong na tarbaen ro tu Ama i anggo so markite-hite Au.

JOHANNES 18:37

Dung i marsapa ma si Latus tuSia, “Antong anggo songon i, tutu do Ho raja?” Dialusi Jesus ma, “Tutu do Au raja, songon na nidokmi. Sorang pe Au jana ro tu portibi on hum na sada on sajo do maksudna, i ma laho manyaksihon hasintongan. Jana sanga ise na marasal sian hasintongan i dijagit ia do Au.”

JOHANNES 5:45

Ulang ma didok rohamunu na mangaduhon hamu Au tu Damang. Si Musa do na mangaduhon hamu–harana si Musa do na nipainte-intemunu.

JOHANNES 7:19

Madung nian dilehen si Musa di hamu angka Parenta Ni Debata. Tapi sahalak pe sian hamu umpe adong na mangoloi angka Parenta i. Biasi ma he giot bunuonmunu Au?”

JOHANNES 8:32

Botoonmunu ma hasintongan i jana paluaon ni hasintongan i ma hamu.”

JOHANNES 9:29

Anggo taringot tu si Musa tangkas do hami boto na dung mangkatai Debata tusia. Tapi taringot tu Bayo i nada hami boto sanga sian dia asal ni i.”

BAENON NI ANGKA RASUL 28:23

Jadi ditontuhon halahi ma sada ari parsuoan ni halahi dohot si Paulus. Bahat do halak marroan tu inganan ni si Paulus di ari i. Sian manyogot lalu tu potang dipajojor jana dijamitahon si Paulus ma tu halahi barita taringot tu Harajaan Ni Debata. Didokkoni si Paulus ma angka ayat sian Buku Ni si Musa bope Buku Ni angka Panurirang anso dihaporsayai halahi nian Jesus.

BAENON NI ANGKA RASUL 7:38

Laing si Musa do na gabe panonga-nongai sian bangso Israel di parkorsihan i, maradopkon surusuruan na mangkatai tusia di Dolok Sinai bope tu ompunta i. Ia do na manjagit hata hangoluan sian Debata sipabolkason tu hita.

SURAT NI SI PAULUS TU PARLAGUTAN ROM 6:14

Nada be dosa i mangarajai hamu, angke nada be di toru ni Tona hamu mangolu tapi madung di toru ni asi ni roha.

2 KORINTUS 1:20

Angke markite-hite Ia madung didok Debata, “Olo” taringot tu sude na dung nijanjihonNia. Hara ni i ma umbaen na tardok hita, “Amen” tu Debata hara ni Jesus Kristus. Anso nipasangap ma Debata.

GALATIA 3:17

Na hudok disi on do: Madung jolo dibaen jana disahkon parjanjian ni Debata. Anggo Tona i na ro dung opat ratus tolu pulu taon, nada tarbaen i be manyundati sanga aha na dung sah hian dibaen, anso gabe sundat janji ni Debata i.

PANGARATAION 33:4

Taoloi ma Tona Ni Tuhan na nilehen ni si Musa, i ma sinadongan ni bangso on na ummarga.

PANGARATAION 4:44

Dilehen si Musa ma angka aturan dohot pangajaran ni Debata tu bangso Israel.

PANGARATAION 5:1

Dipalagut si Musa ma sude bangso Israel jana didok ia ma tu halahi, “Dongan sabangso, tangihon hamu ma sude aturan na giot silehenonku tu hamu sadari on. Parsiajari hamu ma angka aturan i jana haburjuhon hamu ma mangoloisa.

IBRANI 9:22

Tutu nian, anggo mangihutkon Tona ni ugamo Jahudi bolas nidok, sasudena sanga aha pe angkon nipaias dohot mudar do; jadi nada tarsesa dosa anggo so adong mudar na niduruskon.