JOHANNES 1:11 - BIBEL JAMITA NA DENGGAN

¹¹ Ro ma Ia tu luatNia sandiri, hape nada dijagit bangsoNia i Ia.

JOHANNES 1:11 ပူးပေါင်းရင်းမြစ်များ

MATEUS 15:24

Dialusi Jesus ma, “Hum tu angka biri-biri na lilu sian tonga-tonga ni Israel do Au disuru.”

LUKAS 19:14

Tapi goyak ma roha ni halak luat i tusia jana dung kehe ia, disuru halahi ma suruan tusia laho paboahon, ‘Nada ra hami anggo bayo on do gabe rajanami.’

JOHANNES 1:10

Di portibi on do Hata i, markite-hite Ia do dijadihon portibi on, hape nada ditanda portibi on Ia.

JOHANNES 1:12

Tapi sanga ise na manjagit Ia jana porsaya tuSia, dilehen Ia do hak gabe dakdanak ni Debata,

JOHANNES 19:27

Dung i didok Jesus ma tu siseanNia i, “Ligi ma, inangmu do indon!” Mamungka sian i dioban sisean i ma inang ni Jesus tinggal di bagasnia sandiri.

JOHANNES 3:32

Angka na niidaNia dohot na nibegeNia do disaksihon Ia, hape umpe sahalak na mangkaporsayai hasaksianNia.

BAENON NI ANGKA RASUL 13:26

Hamu ale angka dongan pinompar ni si Abraham, bope sude angka dongan na asing na adong dison, angka na mangkabiari Debata! Madung ditongos Debata tu hita Jamita haluaan i;

BAENON NI ANGKA RASUL 13:46

Tapi mur barani do si Paulus dohot si Barnabas mandok hata. Didok halahi ma, “Tutu do i angkon jolo paboaon do hata ni Debata tu hamu. Tapi hara ni na so ra hamu manjagitsa disi ma ditontuhon hamu sandiri paboa na so tama hamu manjagit ngolu na so mantak i. Jadi saonnari tadingkononnami ma hamu, kehe ma hami mandapotkon bangso na asing.

BAENON NI ANGKA RASUL 21:6

Dung i marsijalangan ma hami, lalu masuk tu kapal, jana halahi pe mulak be ma tu bagasna.

SURAT NI SI PAULUS TU PARLAGUTAN ROM 15:8

Tapi on do na hudok, na gabe pangoloi ni halak Jahudi do Kristus, hara ni hasintongan ni Debata, anso dipatogu Ia janji na dung nilehenNia di angka ompunta.

SURAT NI SI PAULUS TU PARLAGUTAN ROM 9:1

Tutu do na hudok di bagasan Kristus, nada margabus au, disaksihon taroktokki do songon i markite-hite Tondi Parbadia.

SURAT NI SI PAULUS TU PARLAGUTAN ROM 9:5

Pomparan ni angka ompunta i do halahi, jana hajolmaon ni Kristus i pe sian bangso ni halahi do asalna. Gumincat dope Ia sian sasudena. Tarpuji ma Debata ro di salolot-lolotna! Amen.

GALATIA 4:4

Tapi dung dapot hatiha hadenggananna, disuru Debata ma AnakNia i tu portibi on. Na sorang sian sada dadaboru do AnakNa i jana na mangolu di toru ni Tona i.