JOEL 3:15 - BIBEL JAMITA NA DENGGAN

¹⁵ Manggolap ma mataniari dohot bulan, jana angka bintang pe nada marsinondang be.”

JOEL 3:15 ပူးပေါင်းရင်းမြစ်များ

PARJAMITA 12:2

Muda dapot ma hatiha i nada torang be matamu, gabe rambon ma sinondang ni mataniari, bulan dohot bintang. Ombun na robot na maroban udan, totop ma i paihut-ihut ho songon ancaman.

JESAYA 13:10

Ganop bintang dohot baris-baris ni bintang i mantak ma marsinondang, manggolap ma mataniari di habibincarna, jana bulan pe nada marsinondang be.

JEHESKIEL 32:7

Taran Huabisi ho, holipanKu ma langit jana angka bintang pe rambon baenonKu. Mataniari i Hubunihon di balik ni ombun jana bulan i pe nada marsinondang.

JOEL 2:10

Humutur do tano di na maju halahi, dohot langit pe humuntal do disi. Manggolap dohot bulan songon i mataniari, nada marsinondang dohot angka bintang i.

JOEL 2:31

Manggolap ma mataniari jana bulan pe marrara songon mudar dompak so dapot ari ni Tuhan i, i ma ari na godang jana sihabiaran!

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

MARKUS 13:24

“Dung salpu hasusaan i, manggolap ma mataniari. Bulan i pe nada marsinondang be.

HALUMBAAN 8:12

Dung i diombus surusuruan na paopatkon i ma sarunenia. Gabe hona ma sapartolu mataniari i, sapartolu bulan dohot sapartolu sian angka bintang gabe mago ma sapartolu gogo ni sinondang ni halahi. Laing songon i muse sapartolu sian arian dohot sapartolu sian borngin gabe manggolap situtu.