JOEL 2:30 - BIBEL JAMITA NA DENGGAN

³⁰ PamasaonKu ma angka hahomangan di langit dohot di tano on: Mudar, jilam ni api dohot timus na marsijongjong.

JOEL 2:30 ပူးပေါင်းရင်းမြစ်များ

PAMUNGKAAN 19:28

Manatap ma ia sabola Sodom dohot Gomora dohot tu rura i sude, jana diida ia ma timus marbual-bual sian tano i, songon timus ni pamurunan na godang.

ENDE NA GODANG 3:6

Ise dehe i na ro sian padang-padang an, tarsongon timus na suman tu tiang? Huskusna songon mur dohot dupa, dupa na nigadis ni parboniaga.

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

ZAKARIA 14:6

Anggo di ari na sasada i nada adong be ari na ngali sanga pe es,

MATEUS 24:29

“Nada sadia honok dung ro hasusaan di hatiha i, gabe golap ma mataniari, bulan i pe nada marsinondang be. Mardabuan ma angka bintang sian langit, marsursaran ma sude angka hagogoon na di parlangitan i.

LUKAS 21:11

Sanga di dia pe masa ma angka lalo na gogo. Masa ma haleon dohot nyae bala. Masa muse ma angka pangalaho na jorbut dohot angka hahomangan sian langit.

JOSUA 8:20

Manaili ma angka halak Ai tu pudi, diida halahi ma timus na martimbual tu langit. Nada adong be dalan maporus di halahi, angke halak Israel na dikojar-kojar ni halahi hian, madung marbalik mangalo halahi.

HALUMBAAN 18:18

jana marsurak dung diida halahi timus na marbual-bual sian api na manyurbu kota i. Didok halahi, “Nada adong jungada kota na asing songon kota na godang on!”

HALUMBAAN 18:9

Jadi ditangisi jana diandungi angka raja ni tano on ma ia, i ma angka na markarosuan jana na marharorangan rap dohot ia, muda diida halahi timus ni panutunganna i.

HALUMBAAN 8:7

Diombus surusuruan na parjolo i ma sarunenia gabe songon na niduruskon ma pardoras ni udan es dohot udan api na marcampur mudar tu portibi on. Abis ma mosok sapartolu ni portibi on; songon i muse sapartolu sian angka hayu-hayu dohot duhut-duhut na rata.

HAKIM-HAKIM 20:38

Tapi na dung satahi hian do halahi painte so i, muda adong timus martimbual hapal tu ginjang sian tonga-tonga ni kota i,

HAKIM-HAKIM 20:40

Tapi tompu ma martimbual timus tu ginjang sian tonga-tonga ni kota Gibea. Tarsonggot be ma angka halak Benyamin i di na manaili halahi jana diida halahi ma mosok sude kota i.