JOEL 2:24 - BIBEL JAMITA NA DENGGAN

²⁴ Jadi marisi gandum mangulahi pardegean; anggur dohot miak zetun marsabur-sabur di panggilingan.

JOEL 2:24 ပူးပေါင်းရင်းမြစ်များ

JEHESKIEL 36:8

Tapi Au mandok tu hamu ale angka dolok ni Israel, martumbur ma angka hayumu mangulahi jana marbatu baen di bangsongKu Israel na giot mulak ne noma.

JOEL 3:13

Na lobi do jahat ni halahi; rabi ma halahi songon gandum na matobang di ladang. Ropuk ma halahi songon anggur di pangilangan na bubung lopus masabur.

JOEL 3:18

Gok kobun anggur noma angka dolok di hatiha i. Angka pahan-pahanan manjampali ma di tor na napu. Angka batang aek ni Juda nada unjung abis be aekna. Mardalan ma sada batang aek sian Bagas Ni Tuhan, jana aekanna Rura Sitim.

HAMALIMON 25:19

Tano na di luat i mangalehen suhana mambaen tuk panganonmunu gabe sonang hamu disi.

HAMALIMON 26:10

Sabionmunu marlipat ganda, jabat tuk sataon. Pola tehe mangambungkon na lobi di sabion na salpu anso adong inganan ni suha ni sabion na baru.

AMOS 9:13

Didok Tuhan ma, “Dapot do i hatihana, simbur sajo partubu ni gandum, gabe nada mantak hatiha ni sabion. Ompot sajo ma martumbur bona ni anggur lopus gabe torus-torusan halak mambaen aek ni anggur. Manetehi ma aek ni anggur na imbaru sian angka dolok jana mardalan ma i tu angka tor.

MALEAKI 3:10

Oban hamu ma parsampuluanmunu i tu BagasKu anso adong disi mardapot-dapot sipanganon. Uji hamu ma Au, jadi gabe idaonmunu ma Huungkap angka pintu ni banua ginjang jana pagukguhonKu sandok na denggan tu hamu, ninna Tuhan Na Markuaso.