JOEL 1:20 - BIBEL JAMITA NA DENGGAN

²⁰ Salang binatang riar pe angka na di harangan, pio-pio do tu Ho mangido partolongan. Nada be margogo halahi pasombu nguasna, angke mahiang do angka batang aek sasudena.

JOEL 1:20 ပူးပေါင်းရင်းမြစ်များ

1 RAJA-RAJA 17:7

Nada sadia honok mahiang muse ma anak ni batang aek i, hara ni na so ro udan.

1 RAJA-RAJA 18:5

Didok si Ahab ma tu si Obaja, “Beta ma tabolusi sude luat on jana tajalahi ma mual dohot batang aek; betak na adong do dapot hita ruput di kudo dohot bagalta anso ulang pola adong na jabat tamatehon sian pahan-pahananta i.”

JOB 38:41

Ise do na mangurupi unggas sigak na malean jana na pahae-pahulu marsioban dalanna manjalahi panganonna? Ise muse dehe na manolong muda pio-pio tu Au angka anakna mangido sipanganon?

MASMUR 104:21

Angka singa jara-jara marngaur manjalahi soroan, mangido sipanganon sian Debata.

MASMUR 145:15

Sandok na mangolu tu Ho do mararop ni roha, dilehen Ho do halahi mangan muda dapot di hatihana.

MASMUR 147:9

Dilehen Ia do jampalan di pahan-pahanan, di anak ni sigawak na nguak-nguak.

JEREMIA 14:4

Nada ro udan jana tano mahiang mangkarogang; digupgupi partani bohina patunda ni arsakna.

JEREMIA 28:8

Na dung dilumbahon angka panurirang hian do taran so adong dope hita, na giot masa parporangan, tangkuraparon dohot nyae ro tu bahat bangso dohot harajaan na gogo-gogo.

JOEL 1:18

Marngiak pahan-pahanan; jana gaor angka lombu angke nada adong be ruput pajampalanna; songon i dohot biri-biri gabe tarsonggot.