JOB 9:4 - BIBEL JAMITA NA DENGGAN

⁴ Sun do daulat ni Debata dohot kuasoNa; ise ma he na tahan mangalosa?

JOB 9:4 ပူးပေါင်းရင်းမြစ်များ

2 JUJUR TAON 13:12

Debata sandiri do anggo pamimpinnami jana dison do angka malimNia. Ma pola rade halahi laho mangombus sarune songon tandana di hami laho mamorangi hamu. O, hamu halak Israel, ulang alo hamu Tuhan, Debata ni ompumunu! Nada bolas monang hamu!”

2 JUJUR TAON 20:6

jana martangiang ma ia marsora na gogo, “Ale Tuhan, Debata ni ompunami! Ho do Debata di banua ginjang dohot na mamarenta di ginjang ni sude bangso na di tano on. Ho do na margogo jana markuaso. Sahalak pe so tolap mangalo Ho.

JOB 11:6

Jana dipaboa Ia ma nian tu ho, na bahat do suhi ni habisuhon, jana na so haastuan jolma. Jadi botoonmu ma sugari na so sadia do dangolmi, martimbangkon uhuman na patut tanggungonmi.

JOB 15:13

muruk ho tu Debata jana mangalosa.

JOB 23:6

PadalanonNia ma lakna tu iba kuasoNia? Nada i! TangihononNia do da i angka hataniba.

JOB 24:22

Hape mardongan kuasoNa dibunu Debata do halak na gogo. Martindak ma Debata gabe putus ma arop ni roha ni halak na durako.

JOB 28:23

Hum Debata do na umboto sanga na di dia inganan ni habisuhon i, hum Ia do na mamboto dalan tusi,

JOB 36:5

Na gogo do anggo Debata! Sasudena do disalpui Ia. Sahalak pe nada adong bile diidasa.

JOB 37:23

Na godang ma da kuaso ni Debatanta, nada sanggup iba mandonohisa, markuaso jana tigor do Ia sapanjangna; na so jungada do dihapit hita jolma.

JOB 38:36

Sian ise diboto unggas ibis sanga andigan hatihana banjir Batang aek Nil? Ise paboahon tu manuk jambe na giot ro udan?

JOB 38:37

Ise ma he na tuk malo mangetong ombun jana na pabalikkonsa gabe mijur udan,

JOB 40:9

Gogo ma he ho songon Au? Tarbaen ma he mangaronggur soramu songon sorangKu?

JOB 41:2

Tarharihiri ho ma he igungna dohot tali sanga pe tu ngadolna saitan bosi?

JOB 6:10

Songon siriburan do di au na songon i, na giot-giot manortor noma au di pardangolan i, harana sandok parenta ni Debata Na Sun Ias i, huoloi jana huparate-atehon do i.

JOB 9:19

Angkon maradu gogo noma iba ulaning dohot Ia? Hape ligi da, na santak do hinagogoNa. Sugari hubaen salaho tuSia pangaduan, ise ma na puluk mamiohon Ia tu paruhuman?

MASMUR 104:24

Na bahat ma antong parkarejoanMu, ale Tuhan, gok tano on dohot sude na NitompaMu. Dibaen Ho sudena i marhite hamaloonMu sandiri.

MASMUR 136:5

Marhite hamaloanNia, dijadihon Ia langit, hot do holong ni rohaNia sapanjangna.

HARURUAR 15:7

Marhite hatongamonMu na lumobi, dibalikkon Ho aloMu marpiar-piar hamuruhonMu, jana manutung halahi songon durame.

HARURUAR 9:7

Disapai raja i ma sanga aha na masa, gabe dibaritahon halak ma disia na so adong sada pe sian pahan-pahanan ni halak Israel na mate. Tapi laing jogal do roha ni raja i jana nada diloas ia bangso i kehe.

PODA 28:14

Tongtong ma pasangap Tuhan, gabe martua ma ho. Muda dialo ho Ia, dapot mara ma ho.

PODA 29:1

Sanga ise na manangkang muda dipaingot, di sada hatiha gabe maropuk jana nada be tarpauli.

JESAYA 45:9

Marjaya ma halak na mangalo tu na manompa ia; songon topik-topik ni hudon sambing do ia! Bisa dehe dohonon ni hudon tano i tu na manopana, “Aha do na nibaenmu?” Sanga humolos na so malo na manopa ia?

JEREMIA 50:24

Didok Tuhan, “Babel, dialo ho do Au, hara ni i gabe tarhapit ho di bagasan jorgong na Hutaon tu ho, hape nada diboto ho i.

DANIEL 2:20

Dung i ro ma alus ni si Daniel, ning ia ma: “Pinuji ma goar ni Debata salolot ni lolotna, angke sian Ia do hapistaran dohot hagogoon!

NAHUM 1:3

Nada mopop muruk ni Tuhan; lobi do kuaso diSia jadi sanga ise na marsala nada dipalua Ia sian uhumanNia. Sanga na di dia Tuhan mardalan, disi do ro halingsungsung; jana abuan ni patNia do ombun.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.

1 KORINTUS 10:22

Anso mangiburu dehe lakna Tuhan baenonta? Gumogo dehe hita lakna sian Tuhan?

EPESUS 1:19

Jana na godang do kuasoNia di hita angka na dung porsaya mangihutkon kuaso hagogoonNia na togu i,

EPESUS 1:8

na dung dilehen Ia di hita markite-hite ragam ni habisuhon dohot parbinotoan.

EPESUS 3:10

On do maksud ni Debata disi: anso saonnari, sude na maniop kuaso di awang-awang i mamboto hamaloon ni Debata di sude ragam rupa ni pangalaho markite-hite parlagutan i.

EPESUS 3:20

Markite-hite kuaso ni Debata na marsitutu i markarejo di bagasan dirinta, tarpatupa Debata do dao umbahat dope sian angka na hita pangido dohot na tapikirkon.