JOB 8:9 - BIBEL JAMITA NA DENGGAN

⁹ Pendek do hita mangolu, so ada taboto sanga aha, hum songon halinu sajo do da ari-arinta.

JOB 8:9 ပူးပေါင်းရင်းမြစ်များ

PAMUNGKAAN 47:9

Dialusi si Jakob ma, “Saratus tolu pulu taon ma au na mangolu i songon pardalan-dalan. Gok hasusaan do angka taon na hubolus i, tapi i santongkin dope i martimbangkon angka taon na nidalanan ni na umpompar au.”

1 JUJUR TAON 29:15

Diboto Ho do ale Tuhan, laing songon angka ompunami do, hami pe laing songon halak na ro do jana paisolat. Songon halinu na mamolus do ngolunami, jana nada tarbaen malua hami sian hamatean.

2 JUJUR TAON 10:6

Jadi dipangido si Rehabeam ma sipaingot sian angka na tobang-tobang na dung jungada gabe panuturi ni si Salomo amangnia i, “Bia do baenonku alus tu angka jolma i? Aha do sipaingot sian hamu?” ning ia.

JOB 14:1

Mamungka sorang jolma gale so margogo; pendek ngoluna sai mardamoro.

JOB 14:2

Mangerbang ia jana malos songon bunga; salpu songon halinu lalu mago so tarida.

JOB 32:7

Didok rohangku, angkon hamu do nian mandok hata, na tumobang do angkon mambagi bisukna.

JOB 7:6

Ngoluniba na so mararop roha on maradu tibu tu ujungna, humipas sian sorka na niordong ni partonunna.

JOB 8:10

Tangihon ma da pandok ni halak na daulat najolo, na mangalehen sipodaon on tu ho,

MASMUR 102:11

Salpu ngolungki songon halinu borngin, malos ma au songon duhut.

MASMUR 102:12

Tapi raja do Ho sapanjangna, ale Tuhan, sai ingoton marsundut-sundut.

MASMUR 144:4

Tudos tu sangombus alogo sajo do da jolma i, songon halinu na mamolus, songon i ma ngolu ni halahi.

MASMUR 39:5

Pendek na i hape ditontuhon Ho umurku! Nada adong arti ni lolot ni ngolungki di adopanMu. Tontu ma da, hum songon sangombus hosa do jolma,

MASMUR 82:5

Nada adong diboto hamu, jana nada diastui hamu, hum hara ni hamu, gabe sego sude aturan ni masarakat.

MASMUR 90:4

Anggo di Ho saribu taon, dos do i songon ari natuari, songon panjago di hatiha borngin.