JOB 7:9 - BIBEL JAMITA NA DENGGAN

^9-10 Songon ombun na mangholom, lalu kehe, jolma pe mate, nada ra mulak be. Sude halak na manandasa, lupa ma tusia jana nada be niingot ia.

JOB 7:9 ပူးပေါင်းရင်းမြစ်များ

2 SAMUEL 12:23

Tapi saonnari dung marujung ngolunia, aha be gunana sai torus au puaso? Tarpangolu au dope ia lakna mangulahi? Sanoli on kehe muse do au tu inganannia i, hape anggo ia inda na mulak be tu au.”

2 SAMUEL 14:14

Na muli mate do hita on sude; tarsongon aek na sabur tu tano do hita jana nada tarpalagut be. Debata pe nada pangoluonNia be mangulahi anggo halak na dung mate. Jadi siusahahonon ni raja i do antong anso tarbaen halak na tarbuang mulak mangulahi.

JOB 10:21

Santongkin nari noma anso kehe au jana nada mulak, mandapotkon luat na holom jana manggolap.

JOB 11:8

Gumincat sian langit do da kuasoNia, na so tolap ho do mandungdung manjujarsa. Dao umbagas do kuasoNia sian portibi hamatean, nada haastuan ho i sanga andigan.

JOB 16:22

Nada sadia be angka taon ni ngolungku na tinggal i, kehe noma au santongkin nari jana nada mulak mangulahi.

JOB 17:13

Hum tano hamatean noma da arop ni rohaniba, giot disi ma iba modom di na golap bulita.

JOB 17:16

Muda manuat au tu tano ni na mate, nada adong di au siaropon be.”

JOB 3:13

Sugari marujung disi ngoluniba, modom ma au jana maradian di bagasan hasonangan,

JOB 30:15

Na jorbut noma manggohi rohangku, songon pangombus ni alogo, salpu ma argangku na mangolu i; songon ombun na mamolus, mago ma sian au moga ni roha i.

JOB 37:11

Diisi Ia aek tu bagasan ombun, dohot ombun na marsinondang digohi Ia ronggur.

MASMUR 39:13

Tadingkon ma au, anso marsonang-sonang au, painte kehe au jana gabe soada be.

JESAYA 26:14

Ma pola marmatean halahi, nada be i mangolu mangulahi, nada ngot be sumangotna i sanoli nari. Angke madung abis halahi dironcohon Ho jana sian parningotan pe disesa Ho.

JESAYA 38:11

Pandokku, nada idaonku be da Tuhan di luat ni angka jolma na mangolu; nada idaonku be umpe sahalak pangisi ni portibi on.