JOB 5:9 - BIBEL JAMITA NA DENGGAN

⁹ Na godang ma da pambaenan ni Debata; nada tuk gogoniba mangastuisa. Angka hahomangan dibaen Ia, na so tarbilang jana na so marujung.

JOB 5:9 ပူးပေါင်းရင်းမြစ်များ

JOB 10:16

Muda mandapot iba haru pe nian so sadia, mangayak ma Ho tu au songon singa. Jana dipatudu Ho ma mangulahi kuasoMu, hum na giot mangago tu au.

JOB 13:1

Unjung do huida sudena i, jana torang do huastui.

JOB 37:14

Pahohom ma da jolo Job santongkin jana tangihon ma; parrohahon ma angka hahomangan ni Debata.

JOB 37:16

Diboto ho dehe parhabang ni ombun i? I ma da hahomangan na ro sian hamaloan ni Debata i.

JOB 37:5

Tarjadi hahomangan, hara ni parenta ni Debata, angka pangalaho na so masuk di akal na so tarastui iba.

JOB 42:3

Disapai Ho au sanga hara ni aha umbaen na puluk au manghagangguhon bisukMu, hape au sandiri nada hupaboto-boto salaho tusi. Huhatahon do angka pangalaho na so huboto, salaho tu angka pangalaho na tarlobi pahomang rohaniba on.

JOB 9:10

Nada haastuan iba sude pambaenanNa nada tarrajum angka hahomanganNia.

MASMUR 139:18

Muda huetong bahatna, umbahat do sian horsik; muda tarsunggul au, laing Ho do hupikiri.

MASMUR 145:3

Angke na tongam do Ho, ale Tuhan jana tarpuji situtu, nada hadodoan hagodanganMu.

MASMUR 40:5

Tuhan, na bahat ma antong di hami pambaenanMu, ale Tuhan Debatanami, nada adong tudosanMu! Bahat do karejoMu na gabe hahomangan di hami, nada tarpajojor sudena i.

MASMUR 40:6

Haul sipanganon na niparade nada por rohaMu disi haul hasesaan ni dosa nada diigil rohaMu i. Hape madung dilehen Ho simanangingku na tarbaen umbege soraMu.

MASMUR 72:18

Puji ma Tuhan ni Israel! Hum Ia do na patupahon pangalaho na godang.

MASMUR 86:10

Dibaen na sangap do Ho, hahomangan do karejoMu, hum Ho do Debata.

PARJAMITA 3:11

Ditontuhon Ia do hatiha na topet di sasude na adong. Dilehen Ia do di hita por ni roha laho umboto ari na giot ro, tapi nada unjung dilehen Ia hasosombu di hita laho mangastui sude pambaenanNia.

JESAYA 40:28

Na so diboto ho dope? Na so dibege ho do? Tuhan na manongtong do anggo Debata. Ditompa Ia tano on sudena, nada unjung Ia loja sanga ngolngolan. Sahalak pe nada tarbaen mangastui angka pikiranNia.

SURAT NI SI PAULUS TU PARLAGUTAN ROM 11:33

Bagasna i antong hamoraon, habisuhon dohot parbinotoan ni Debata! Na so tardodo do angka haputusanNia, jana nada tarastui angka dalanNia.