JOB 5:7 - BIBEL JAMITA NA DENGGAN

⁷ Nada! Tapi sian jolma sajo do, na mangalapi tu dirina hamamagona, na songon gurasa na mamuretek sian apina.

JOB 5:7 ပူးပေါင်းရင်းမြစ်များ

JOB 14:1

Mamungka sorang jolma gale so margogo; pendek ngoluna sai mardamoro.

JOB 7:1

Songon ngolu ni tentara do da ngolu ni jolma, dokdok, sorat songon hatoban di ngoluna,

MASMUR 90:10

Hum pitu pulu taon do lolot ni ngolunami, lalu salapan pulu taon muda margogo hami. Tapi hum hasusaan dohot hamaolon do na dapot hami, dung salpu ngolu na pendek i, mago ma hami.

PARJAMITA 1:8

Sude do paloja roha jana nada tarhatahon loja ni roha i. Nada marnabutong matanta i manatap; pinggolta i nada marnapuas manangihon.

PARJAMITA 2:22

Marsitutu do markarejo jolma i salolot mangolu jana marsusa-susa; jadi dia ma suha ni halolojana i na tarhagodangkonsa?

PARJAMITA 2:23

Sanga aha na nikarejohonnia salolot di ngolunia, parohon pardangolan do i dohot hancit ni roha disia. Dompak borngin pe susa do rohana. Jadi na magopo do sudena i.

JEREMIA 20:18

Biasi he angkon sai tubu au? Hum anso marhancit dehe jana hasusaan? Dohot anso ngolungku marsalpuan hum di bagasan hahaila?

1 KORINTUS 10:13

Sanga aha pe cobaan na nibolusmunu, cobaan na somal dialami jolma dope i. Tapi anggo Debata burju do marningot janjiNa. Nada pola dipadiar Ia hamu dicoba lobi sian na tolap gogomunu. Muda hatiha ro cobaan tu hamu, lehenonNia do dalan di hamu anso tahan hamu manaon cobaan i.