JOB 5:6 - BIBEL JAMITA NA DENGGAN

⁶ Nada sian portibi ruar hajahaton, nada sian tano ro ni hasusaan.

JOB 5:6 ပူးပေါင်းရင်းမြစ်များ

JOB 15:35

I ma da halak na sai mangarohahon hajahatan na mandalankonsa. Tipu dohot gabus do na sai manggohi rohana.”

JOB 34:29

Muda diputuskon roha ni Debata manghohom Ia, nada adong sahalak pe manggagaisa. Muda ditabunihon Ia bohiNia, nada adong be sanga ise na marsuohonsa.

MASMUR 90:7

Tarsonggot hami dibaen murukMu, maropuk pambaen ni murukMu.

JESAYA 45:7

Au do manjadihon na torang dohot na golap, Au do parohon pasupasu dohot bura. Hum sasada Au sajo do Tuhan, sudena i madung Hupadalan.

ANDUNG 3:38

hara ni parentaNia sajo do mardalan na denggan sanga na jat.

HOSEA 10:4

Margabusi ma halahi jana mambaen parjanjian na so tutu lalu mamudun parjanjian na so marguna. Dipasuhar ma uhum, gabe mur manjadi-jadi ma hageduhan songon latong na tubu di ladang na dung nipangkuran.

HAMALIMON 25:5

Salang gandum na tubu sandiri so disuan nada tola sabion, bope batu ni anggur sian bona ni anggur na so nigunting i pe ulang palagut hamu, angke taon paradianan do taon i di tano i.

AMOS 3:6

Nada he humitir halak muda tarbege sora ni sarune tanda ni gore ni porang? Hona parmaraan dehe sada kota, anggo so Tuhan manongoskonsa?

PANGARATAION 32:27

Tapi nada musuna marginjang ni roha songon na maropuk bangsongKu patundana, angke hum Au, Au sajo do da na mangabiskonsa.

IBRANI 12:15

Jagohon hamu ma anso ulang adong sanga ise na morot sian asi ni roha ni Debata; anso ulang adong na gabe duri dohot sihupi di tonga-tongamunu na parohon hasusaan jana na mambaen sego halak na bahat.

1 SAMUEL 6:9

Parrohahon hamu ma pardalanna i; muda mardalan adop luatna i sandiri do, i ma tu kota Bet-Semes, i ma tandana bahaso Debata ni halak Israel i do na parohon hamamago na jorbut i tu hita. Tapi muda nada kehe tusi, botoonta ma na so sian Debata ni Israel haroroan ni hasusaan i, tapi na ro songon i sajo do i.”