JOB 5:5 - BIBEL JAMITA NA DENGGAN

⁵ Sanga aha na nisabi ni halahi di ladangna, abis dipapangani halak na marumar butuhana, salangkan gandum na di tonga ni sihupi, sun digugut jolma na malean i. Sinadongan dohot hamoraanna gabe sirohaan ni halak parroha arta.

JOB 5:5 ပူးပေါင်းရင်းမြစ်များ

2 JUJUR TAON 33:11

Jadi diparo Tuhan ma angka panglima ni tentara Asur laho mangarampas Juda. Ditangkup ma si Manase dohot hait, dirante lalu dioban tu Babel.

JOB 1:17

Inda sidung dope ia mangkobari, ro ma hatoban na patoluhon paboahon, “Tolu rombongan pasukan ni halak Kasdim ro mangarampas angka unto ni tuan i jana dibunu do angka hatoban ni tuan i. Hum sasada au ma i na malua anso adong na paboahon barita tu tuan i.”

JOB 12:6

Hape ngolu ni panyamun so adong mangondam. Angka na puluk mangalo Debata mangolu do soada mara. Hape debata sisoada do diasangkonsa, i ma pos ni rohana hum tu gogona.

JOB 2:3

Disapai Tuhan ma, “Madung he dipamanat ho si Job naposongKi? Di sude portibi, nada adong na songon ia burjuna dohot denggan ni rohana. Marsomba tu Au do ia jana saotik pe nada adong dibaen ia hajahatan. Laing hot do setia ia tu Au, haru pe na dung nielekmu Au laho mangago ia sian na so dalanna.”

JOB 20:15

Arta na nitangko na nibondutna, tarpaksa ma diutahonsa; diparuar Debata ma sian bagasan butuhana.

JOB 20:22

Dompak di bungaran ni hamogaanna, ro ma arsak dohot susa mandondonisa.

JOB 22:10

Hara ni i humaliangmu, rongom taon-taonan, jana tompu ma rohamu digohi habiaran.

MASMUR 109:11

Padiar ma disita angka parsingir sinadonganna, jana suha ni halolojana pe dirampas halak na asing ma.

JESAYA 62:8

Marhite sumpa Tuhan madung marjanji, hara ni kuasoNia pasti do manjadi: “Nada be panganon ni musumu sian gandummu, halak na asing nada be inumonna anggurmu.

JEREMIA 51:34

Dironcohon jana dipangan raja ni Babel do sude Jerusalem ias dihais ia kota i lopus songon botol na rumar. Tarsongon sada binatang raksasa, dibondut ia do Jerusalem jana manggohi butuhana dohot sandok na denggan di kota i, lalu diambungkon ia teba-tebana i.

JEREMIA 51:44

Bel, debata ni tano Babel, giot uhumonKu. Giot baenonKu paulahonnia sanga aha na nirampasnia. Nada be sombaon ni angka bangso ia. Madung marumpak angka tembok ni Babel.

ANDUNG 2:16

Margoyak ni roha sude musumu mangida bohimi, dipartatai halahi do ho jana disurahi. Didok halahi, “Ma pola hami luntak kota i! Ujungna dapot ma hatiha na hami painte i!”

ANDUNG 2:5

Gabe tudos tu musu do Tuhan; dilibas Ia Israel lopus mardabuan. Dironcohon Ia angka benteng dohot bagas godang, jana diparo Ia pardangolan tu halak ni Juda.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

PANGARATAION 28:33

Pambuatan ni halak sileban ma suha ni ladang na nikarejohonmunu maradu gogo, hape sanga aha pe nada dijagit ho asing ni na marpupu diparkanciti dohot pambaenan na kejam.

PANGARATAION 28:51

Pangabison ni halahi ma pahan-pahanan dohot suha ni ladangmunu. Saotik pe nada adong tadingkonon ni halahi sian gandum, aek ni anggur, miak zetun, lombu sanga hambengmunu lopus mate tangkuraparon ho.

HAKIM-HAKIM 6:11

Sanoli ro do Surusuruan Ni Tuhan di desa Ofra, lalu juguk di toru ni hayu ara nampuna ni si Joas, sada halak na sian golongan ni Marga Abieser. Na topet manggiling gandum di panggilingan anggur do anak ni si Joas on, na margoar si Gideon. Anso ulang diida halak Midian do umbaen na martabuni-tabuni dibaen ia songon i.