JOB 5:4 - BIBEL JAMITA NA DENGGAN

⁴ Gabe so unjung dapotan pangondian dakdanakna; nada adong halak na ra mambela parkarona.

JOB 5:4 ပူးပေါင်းရင်းမြစ်များ

JOB 1:19

Jadi ma ro halingsungsung mangombus sian sabola parhorsihan jana ditondong ma bagas i lopus rumpak jana mate do sude anak ni tuan i didondoni. Hum au sajo ma i na malua anso adong na paboahon barita tu tuan i.”

JOB 10:7

Diboto Ho do nian jana torang di rohaMu, na bonar jana na so marsala au. Jana umpe sahalak na margogo palua iba sian tanganMu.

JOB 20:10

Na nitangkonia na salpu sian halak na so mardiha-diha, angkon gontion ni angka dakdanaknia.

JOB 27:14

Muda bahat anakna, marmatean ma i di parporangan jana marsingkor-singkor ma ngolu ni i marhahurangan.

JOB 8:4

Betak na mardosa do angka dakdanakmu tuSia, jadi na patut do halahi hona uhumNia.

MASMUR 119:155

Anggo parjahat nada tarbaensa malua, angke nada didalankon halahi hatontuanMu.

MASMUR 127:5

Martua ma sanga ise na singkop angka anak ni pana sisongon i. Nada tartaluhon be i, di na maradop dohot alona di pangadilan.

MASMUR 7:2

Ulang ma padiar songon singa halahi manyoro au; pola disuak-suak au, lalu disarat, dipadiar so adong na mangurupi.

HARURUAR 20:5

Ulang unduk marsomba tusia sanga maribadat tusia, angke Au, Tuhan, Debatamu, i ma Debata na so ra padiarkon adong imbangKu. UhumanKu do sanga ise na margoyak ni roha di Au lopus tu sundut patoluhon dohot paopatkon.

PODA 24:7

Magincattu do bisuk anggo di halak na oto. Nada tardoksa sanga aha muda hatiha manghobari halak taringot tu angka pangalaho na penting.

AMOS 5:12

Huboto do sanga songon dia godang ni hajahatanmunu dohot bahat ni dosamunu. Disosak hamu do halak na burju; dijagit hamu do sogok jana dipadiar hamu do dibaen na so tigor tu halak na pogos di paruhuman.

JOSUA 20:4

Tola do lojonganna tu sada sian angka kota i, lalu kehe ia mandapotkon pangadilan di pintu horbangan ni kota i, dung i patorangonnia ma disi tu angka pamimpin sanga aha na masa. Jadi gabe paloason ni angka pamimpin i ma ia masuk tu kota i jana dilehen inganannia, anso tarbaen ia tinggal disi.