JOB 42:9 - BIBEL JAMITA NA DENGGAN

⁹ Dipatulus si Elifas, si Bildad dohot si Sopar ma sanga songon dia na nidok ni Tuhan i, jana dijagit Tuhan ma tangiang ni si Job i.

JOB 42:9 ပူးပေါင်းရင်းမြစ်များ

PAMUNGKAAN 20:17

Gabe so maruntungan sude dadaboru na di bagas godang ni si Abimelek i dibaen Debata hara ni na masa tu si Sara, ripe ni si Abraham i. Jadi ditangiangkon si Abraham ma si Abimelek tu Debata, jana dipamalum Debata ma si Abimelek, dongan saripe dohot angka hatobanna dadaboru, gabe mulak ma margogo halahi laho mardakdanak.

JOB 2:11

Madung tarbege sitaonon ni si Job tu donganna tolu halak, i ma si Elifas na sian kota Teman, si Bildad halak Suah dohot si Sopar halak Naamah. Martahi ma halahi laho mangaligi lalu mangapoi ia.

JOB 22:27

Muda martangiang ho, alusanNia ma i, jana patulus ma antong janjimu sudena i.

JOB 22:30

Urupan ni Debata ma ho muda soada sala jana muda dipatulus ho giotNia.”

JOB 42:10

Salpu i, dung martangiang si Job salaho tu donganna sitolu halak i, dibaen Tuhan ma ia mamora mangulahi jana dilehen tusia dua noli lompit sian sinadongannia najolo i.

JOB 42:8

Antong anggo songon i, saonnari buat ma pitu lombu jantan dohot pitu biri-biri jantan lalu kehe ma hamu mandapotkon si Job. Dung i haulkon hamu ma i sudena gabe haul situtungon hara ni hamu sandiri. Tangiangkonon ni si Job ma salaho tu hamu jana jagitonKu ma tangiangnia i. Nada pola pailaonKu hamu haru pe nian na patut hamu manjagit uhuman. Nada didok hamu na satutuna salaho tu Au, hape anggo si Job didokkon ia do.”

PARJAMITA 9:7

Tole, mangan ma jana marjop ni roha, inum ma anggurmi marmoga-moga. Nada muruk Debata, mur jop noma rohaNia.

JESAYA 60:14

Ro ma angka dakdanak ni na mamparkanciti ho marsomba tu jolomu na dung jungada mangalayasi ho mamparsangapi jana tunduk, ‘Sion, Kota Ni Debata Na Badia ni Israel’, ‘Kota Ni Tuhan’, songon i ma ho nigoaran.

JEHESKIEL 14:14

Haru pe maringanan disi si Noakh, si Daniel dohot si Job hum diri ni halahi sajo do tarpalua haburjuon ni halahi na tolu. Au Tuhan Debata madung mandok songon i.

MATEUS 7:24

“Antong, sarupa ma tu halak na pistar na pajongjong bagasna di ginjang ni batu, sanga ise na manangihon bope na patuluskon angka hata nangkinan i.

JOHANNES 2:5

Dung i didok inangNia i ma tu angka parkobas na disi, “Muda disuru Ia hamu mambaen sanga na aha, baen hamu ma songon i.”

BAENON NI ANGKA RASUL 10:33

Hara ni i do umbaen na husuru manigor halak mangalap tuan i. Jana songon i ma burju ni rohamu ro tuson. Saonnari madung lagut hami dison, di adopan ni Debata laho umbege sudena na nitonahon ni Tuhan tu ho.”

BAENON NI ANGKA RASUL 9:6

Tapi jongjong ma ho, masuk ma ho tu kota i. Disi ma nipaboa tu ho sanga aha sibaenonmu.”

IBRANI 11:8

Hara ni na porsaya, gabe dioloi si Abraham Debata, di na nipio ni Debata ia jana disuru anso kehe tu luat na nijanjihon ni Debata tusia. Dung i kehe do si Abraham so pola diboto ia sanga na giot tudia ia kehe.