JOB 4:8 - BIBEL JAMITA NA DENGGAN

⁸ Huboto sian alatan na mamangkur ladang hajahatan, jana na manyabur hamagoan songon same ni suan-suanan, laing na manyabi do di parmaraan dohot di hasusaan!

JOB 4:8 ပူးပေါင်းရင်းမြစ်များ

JOB 15:31

Muda porsaya ia tu na so hasaya, gabe tarpaoto noma ia; jana upa na giot jagitonna, laing na soada do gunana.

JOB 15:35

I ma da halak na sai mangarohahon hajahatan na mandalankonsa. Tipu dohot gabus do na sai manggohi rohana.”

PODA 1:31

Jadi, patunda ni angka parbuatanmunu i rasoanmunu ma i lopus gabe mardangol hamu.

PODA 22:8

Halak na manyuan na so tigor, sabionna ma hamagoan, ujungna mago muse ma kuasona.

JESAYA 17:11

Tapi haru pe manigor martunas suan-suanan i jana marbunga di ari i di na manyuan i ho, hapengani anggo suhana indangkan na adong buaton. Hum hasusaan do taononmu dohot hahanciton na so ra mago.

JEREMIA 4:18

O Juda, na nialapanmu sandiri do hamagoan i tu ho. Parngoluonmu dohot angka parangemu do mambaen sude pardangolan i manyusuk tu ate-atemu.

HOSEA 8:7

Alogo do disabur bangsongKi, jadi manyabi halingsungsung ma halahi! Nada manggorsing ladang ni gandum ni halahi, gabe nada adong be topung suhana baen sipanganon. Tapi muda laing manggorsing ladang i, gabe abiskonon ni angka bangso-bangso na asing do gandumna i.

2 KORINTUS 9:6

Timbang hamu ma jolo! Anggo halak na manyuan same saotik, otik muse do suha ni i buatonna. Tapi anggo halak na manyuan bahat same, laing bahat ma muse buatonna suha sian i.