JOB 4:6 - BIBEL JAMITA NA DENGGAN

⁶ Nada he marsomba tu Debata ho? Nada he na so hasurahan ngolumu? Anggo songon i, na patut do, muda marpos ni roha jana marroha na togu.

JOB 4:6 ပူးပေါင်းရင်းမြစ်များ

2 RAJA-RAJA 20:3

“Tuhan, ingot ma na dung huoloi Ho sian burju dohot situtu ni rohangku. Sai hugogo do anso hupatulus hagiotMu.” Lalu mangangguk ma si Hiskia.

JOB 1:1

Di tano Us maringanan ma sada bayo na margoar si Job. Marsomba tu Debata do ia jana setia tuSia. Halak na burju do pangalahonia jana saotik pe nada dibaen ia hajahatan.

JOB 13:15

Nada parduli be di bagi aha hara ni dele ni roha! Muda giot bunuon ni Debata iba, rohana ma diSia. Tapi anggo pangalahongku angkon ampinanku di joloNia.

JOB 16:17

hape nada au mangasa hagogoan; tangkas do na bulus pangidoanku maradopkon Tuhan.

JOB 17:15

Di dia dope arop ni roha di au; ise dope na dumpangan hamogaan baen di au?

MASMUR 26:1

Lehen ma hatigoran tu au ale Tuhan, angke madung hupatupa na denggan. Tu Ho do au mararop roha, saotik pe nada au marganggu ni roha.

MASMUR 27:3

Haru pe dihaliangi parangan na bahat au, nada pola mabiar au. Haru ro pe musu mamorangi, tongtong mararop roha au tu Debatangki.

PODA 14:26

Muda dipasangap Tuhan jumpang do dame ni roha, jana dongan sabagasna dapotan gogo marpangondian.

PODA 3:26

Jagohonon ni Tuhan ma ho. Nada padiaronNia ho runcur tu bagasan tirangkap.

JESAYA 33:6

jana lehenonNia ma hasonangan tu bangso i. Sai na ondihononNia do bangsoNa jana baenonNia halahi marbisuk dohot marbinoto. Pasangapon ni halahi ma Tuhan; i noma arta ni Sion.

1 PETRUS 1:13

Hara ni i hobas ma hamu. Jonggor ma hamu jana mararop ni roha situtu di pasupasu na giot lehenonNa tu hamu di haroro ni Jesus Kristus muse.

1 PETRUS 1:17

Didok hamu Amang tu Debata dompak martangiang hamu. Antong, Debata i do na mandabuhon uhuman tu jolma marguru tu pambaenanna be so pola mangaligi bohi. Hara ni i, salolot di tano on hamu, pagodang hamu ma Debata di ngolumunu.