JOB 4:3 - BIBEL JAMITA NA DENGGAN

³ Bahat do halak na niajaranmu, jana dipargogoi ho do angka na magaletu.

JOB 4:3 ပူးပေါင်းရင်းမြစ်များ

PAMUNGKAAN 18:19

Na Hupili do ia anso diparentahon ia tu angka dakdanaknia dohot tu pomparannia anso oloanna Au bope patulusonna sanga aha na denggan dohot na tigor. Muda mangoloi halahi, gohanKu ma janjingKu tu si Abraham.”

ESRA 6:22

Pitu ari lolotna halahi marjop ni roha mamestahon Pesta Ni Roti Na So Marragi i. I noma jop ni roha ni halahi hara ni na nibaen ni Tuhan marburju ni roha raja ni Asur tu halahi gabe diurupi halahi di bagasan karejo na mambangun mangulahi Bagas Ni Tuhan, Debata ni Israel i.

JOB 16:5

Hupapir rohamunu dohot hata na denggan angka hatangku mambaen roha haapoan.

JOB 29:11

Sanga ise pe tarhalomong do paida-ida au, sanga ise na marnida au, sai dipuji do pambaenanku.

JOB 29:15

Gabe mata do au di halak na so marnida; di halak na onyangon gabe au ma patna.

JOB 29:16

Gabe ama do au di halak na pogos; di halak paisolat, au ma gabe pangondian.

JOB 29:21

Mangkohom do halak muda au mangalehen sipaingot; manangi do halahi tu hatangku maradu manat.

JOB 4:4

Angka hata na nidokmu papir roha, manogu halak na tinggang, na gale dohot na loja.

PODA 10:21

Hara ni hata ni halak na burju, bahat halak dipasupasu haotoon ni halak na bodo mangago dirina sandiri tutu.

PODA 15:7

Halak na bisuk jana na marroha do pabidang habisuhon, nada halak na bodo jana na so marparbinotoan.

PODA 16:21

Nitanda do halak na marroha sian parbinotoanna. Hatana mur manarik, boti muse paposkon roha.

JESAYA 35:3

Pargogoi ma tangan na gale, patogu ma dugul na hitir-hitir.

JESAYA 50:4

Diajari Tuhan Debata do au mandok hata, anso hupargogoi halak na gale. Ganop manyogot disungguli Ia rohangku laho manangihon pangajaranNia tu au.

JEHESKIEL 13:22

Angka halak na burju na so adong Huhahua, dipahancit hamu ma roha ni halahi marhite pargabusonmunu i. Angka halak na jahat dipagodang hamu rohana anso tongtong mardosa boti anso ulang dipalua.

ZEPANYA 3:16

Dokkonon ni halak ma di sada hatiha, ale Jerusalem; “Ulang ho mabiar, ale Sion ulang ma gale-gale tanganmi!

LUKAS 22:32

Tapi madung martangiang Au hara ni ho Simon, anso ulang hambar haporsayaanmi. Jana muda dung mulak ho mangulahi tu Au, angkon patoguonmu do angka kahanggimu.”

LUKAS 22:43

Ro ma sada surusuruan tuSia margogoihon Ia.

EPESUS 4:29

Muda mandok hata hamu, ulang ma pake hamu angka hata na so ture. Angka pandohan na manogu dohot na mangurupi tu dongan na asing ma pake hamu. Angka pandohan na songon i do na padenggankon tu angka dongan na umbegesa.

PANGARATAION 3:28

Lehen ma panogu-noguon tu si Josua. Pasobar rohania, angke ia do na giot mamimpin bangso i tu bariba laho mambuat tano na niidami.’

KOLOSSE 4:6

Sanga aha pe na nidokmunu sai na tabo begeon ma, jana sai hata na mardai ma dokkon hamu. Malo ma hamu sanga tarsongon dia sadengganna mangalusi angka sapa-sapa ni halak.

IBRANI 12:12

Hara ni i, pargogoi hamu ma tanganmunu na gale dohot patmunu na humitir-hitir i mardalan!