JOB 32:2 - BIBEL JAMITA NA DENGGAN

² Tapi disi dope sada halak nari na margoar si Elihu anak ni si Berakel, sada sian pomparan ni si Bus na sian horong ni si Ram. Nada tarorom ia be so muruk, hara ni na sai dipartahankon si Job hatigorannia sandiri boti dipasala ia Debata.

JOB 32:2 ပူးပေါင်းရင်းမြစ်များ

PAMUNGKAAN 22:21

Si Us siangkaan, si Bus ma na nitadohonna, si Kemuel i ma muse na gabe amang ni si Aram.

JOB 10:3

Aha ma labona muda iba dipisat Ho songon on, jana muda diambungkon Ho suha ni karejoMon? Aha ma he na ro muda dihobuk Ho pandapot dohot tahi ni parjahat i?

JOB 15:5

Hatami do patandahon paboa na marsala ho, hape dohot ginjang ni dilamu hajahatonmu ditutupi ho.

JOB 22:5

tapi hara ni bahatna do dosamu, boti na sun jahat ni pambaenanmu dohot pangalahomu.

JOB 27:5

Jadi anggo au, nada ra au mandok bahaso na tutu hamu; lopus mate pe pos do rohangku, na so targora anggo au.

JOB 27:6

Laing na marsitiopan do au tu pangoloionku, jana rohangku pe di bagasan laing na ias do i tutu.

JOB 30:21

Na santak ma da pambaenMon tu iba on, dipisat Ho ma au mamake sude hagogoon.

JOB 32:3

Muruk muse ma ia tu ale-ale ni si Job na tolu halak i hara ni na so lobas halahi mangalusi angka hata na nidok ni si Job i, haru pe dipasala ia halahi.

JOB 33:8

Antong madung hubege sanga aha na nidokmu, jana huastui do sanga aha na nimaksudmu.

JOB 40:8

Na giot aloonmu ma he hatigoranKu, jana patigoronmu ma dirimu di na pasalahon Au?

MASMUR 69:9

Holong ni roha tu BagasMu pagurgurkon rohangku, incak ni halak na palayas goarMu mandondoni au.

MARKUS 3:5

Marsak ma Jesus hara ni pir ni roha ni halahi. Jadi muruk ma Jesus marnida halahi na humaliang i, didok Ia ma tu bayo i, “Pahortang ma tanganmi!” Dipahortang ia ma tangannia i dung i gabe malum ma.

LUKAS 10:29

Tapi na giot patigor diri do Siboto Surat i. Marsapa ma ia, “Ise do satutuna na tardok, dongan jolma?”

EPESUS 4:26

Muda muruk hamu, ulang oloi hamu gabe jabat mardosa hara ni na muruk i. Ulang ma muruk hamu sasadari.