JOB 3:5 - BIBEL JAMITA NA DENGGAN

⁵ Baen ma ari i mangalomlom, manggolap mambulita, mangarambon jana samon; ombun bope sonja tutupkon tusi, gupgupi muse sian sinondang ni mataniari.

JOB 3:5 ပူးပေါင်းရင်းမြစ်များ

JOB 16:16

Marrarai bohingku hara ni na tangis; marbosoli lampak ni matangku marlombaman,

JOB 24:17

Mataniari bincar habiaran godang do disia, hape anggo golap manyantak, i do na pasonang rohana.”

JOB 28:3

Dibolus halak do na golap bulita, inganan na sabagas-bagasna pe dipareso roha. Disi di bagasan hagolapan i ma, dijalahi halak angka batu na mararga.

JOB 3:4

Ale Debata, baen ma manggolap ari i, sesa ma sian parningotanMu lopus mago i. Ulang be da laing padiar sinondang na torang patiurkonsa.

JOB 3:6

Sugari diagohon borngin i gumonan sian bilangan ni taon dohot bulan; ulang jabat tubu di parningotan, ulang sanga dohot nibilangan.

JOB 34:22

Nada adong na golap sanga songon dia pe holomna, na tarbaen manabunihon halak pardosa.

JOB 38:17

Unjung dehe dipatuduhon halak tu ho horbangan di jolo ni hagolapan ni bulita di portibi hamatean?

MASMUR 107:10

Adong ma i na puhung di hagolapan na tarhurung di bagasan hasusaan dohot bosi;

MASMUR 107:14

Dioban halahi ruar sian hagolapan; diponggolkon Ia rante ni halahi.

MASMUR 23:4

Haru pe mardalan au di dalan na golap nada huhabiari parmaraan, ale Tuhan, angke Ho do mandongani au. Ho do mangondihon au songon parmahan mangondihon biri-birina, mardongan tungkot dohot ora-ora.

MASMUR 44:19

Hape ditadingkon Ho do hami di bagasan hagolapan, na so margeldok di tonga-tonga ni binatang harangan.

JESAYA 9:2

Bangso na mangolu di bagasan hagolapan, madung marnida sinondang na godang. Na maringanan di bagasan halinu ni hamatean madung disondangi hatiuran ni sinondang.

JEREMIA 13:16

Angkon parsangaponmu do Tuhan Debatamu taran so diparo Ia hagolapan, taran so tartuktuk patmunu di angka dolok, jana na torang na niarop ni rohamu digonti Ia gabe hagolapan.

JEREMIA 2:6

Nada diantoi halahi Au; Au do nian na dung manogu halahi di dalan, jana na maroban halahi ruar sian Mesir, manyalpui parhorsihan; tano gariang na margaba-gobi, boti na harsang gok parmaraan padang na so diingani jana nada adong mamolus sian i!

JEREMIA 4:28

Hara ni i marsak ma portibi golap sajo ma langit i. Madung didok Tuhan i, jana indangkon na muba be sangkapNia. Madung dibaen Ia haputusanNia jana nada sumurut be Ia hum salangka.

JEHESKIEL 30:3

Madung donok ari ni Tuhan, ari na golap, hatihana ma di angka bangso manjagit uhuman.

JEHESKIEL 34:12

songon panjalahi ni sada parmahan jana na palagutkon angka biri-birina na marserak i lalu dipature-ture ia. ObanonKu ma halahi mulak sian sude inganan parserahan ni halahi di ari na golap jana na sial i.

JOEL 2:2

Manggolap do ari i jana mangalomlom, ari na gok ombun dohot hagolapan. Songon sinondang ni mataniari manyogot di ginjang ni angka tor, sada bangso na bahat jana na gogo. Na so unjung masa dope i; jana sapanjangna nada masa be i.

AMOS 5:8

Tuhan do na mambaen angka bintang na di ginjang – bintang Poriama dohot bintang Sidongdong. Dipauba Ia do na golap gabe torang dohot arian gabe borngin. Aek na sian laut ditimba Ia tu darat i. Tuhan do na mambaen sudena i.

AMOS 8:10

PaubaonKu ma angka ari pestamunu gabe siluluton, jana angka ende-endemunu gabe andung. BaenonKu ma hamu marcukur obuk dohot mamake abit goni tanda ni arsak. Gabe songon na tobang-tobang na manangisi parmate ni anakna sisada-sada ma hamu. Marujung ma ari i di bagasan arsak na lobi godang.

MATEUS 4:16

Halak na maringanan di bagasan hagolapan madung marnida sondang na godang! Madung bincar sinondang na torang! Di halak na maringanan di luat na nilinggoman ni hamatean!”

LUKAS 1:79

Songon i ma dilehen Ia sinondangNia tu sude halak na mangolu di bagasan hagolapan dohot biar. Togu-toguonNia ma hita di dalan hadameon.”

PANGARATAION 4:11

Baritahon hamu ma tu angka dakdanakmunu sanga songon dia parromunu lalu jongjong di pangkal ni dolok i na nitutupan ni timus na manggolap songon ombun na manyorop dohot api na gara-gara lalu tu langit.

IBRANI 12:18

Nada pola diadopi hamu songon na masa tu halak Israel najolo. Anggo halahi diadopi halahi do na bolas nijama, i ma Dolok Sinai dohot api na marnyala-nyala i; diadopi halahi do hagolapan, haholomon bope halingsungsung;